contrastâ
con|tras|tâ
[AF]
-
v.tr., v.intr.
(ancje fig.)
fâ cuintri a alc o a cdn.:
al comandave a bachete e se a cualchidun i saltave il morbin di contrastâlu, lui al jevave par aiar il so baston di cuargnul (Gianni Gregoricchio, Trê feminis);
e je dome la culture libare che, contrastant i difiets dal Podê, e po puartâ il progrès (Lelo Cjanton, Ta la Europe no po plui restâ une regjon di puars biâts)
Sin. bati
, jessi cuintri
, lâ cuintri
, fâ cuintri
, dâ cuintri
Var. contrestâ
-
v.intr.
di situazion, acjadiment, mût di fâ, mût di jessi, cualitât e v.i., jessi in oposizion rispiet a alc altri:
cualchidune di chês normis a contrastin cul spirt dal model federâl e no puedin jessi acetadis des Autonomiis locâls (Sergio Cecotti, Un federalisim di cjarte no nus baste afat);
[un mac di rosis] cuntune straordenarie varietât di colôrs che a contrastin ad in plen cul grîs dal cantîr (Fabian Ros, Loreak, flôrs e cinise)
Sin. dâ cuintri
, dineâ
, fâ cuintri
, lâ cuintri
, contradî
, distonâ