confermâ
con|fer|mâ
[FO]
-
v.tr.
dimostrâ la veretât o la validitât di un fat, di une opinion, di une teorie e v.i.:
l'australian Raymond Dart al cjatà in Sudafriche il "frut di Taung", po classificât come Australopithecus africanus (simie de Afriche meridionâl). E jere propit une "simie bipede" che e confermave lis ideis di Darwin (Claudio Tuniz, Evoluzion umane: la sience e mostre i segrets des nestris origjins)
Sin. aprovâ
, dimostrâ
, fâ bon
, laudâ
, ribati
, certificâ
, provâ
-
v.tr.
afermâ, declarâ che alc al è vêr:
pre Pitin nol à mai ni dineât ni confermât cheste cjacare (Antoni Beline, Pre Pitin);
o confermi che si son ditis peraulis, ma si jerin scjaldâts, come che e à dite Nine… Si po ancje capîju: ur veve cjapade la rabie (Alviero Negro, Int di masnade)
Sin. fâ vêr
, garantî
, sigurâ
-
v.tr.
mantignî cdn. intune incarghe o posizion che al veve za:
Lamuela pe seconde volte al è ricognossût e confermât arbitri de sielte in vie definitive. Ae unanimitât (Adrian Cescje, Memoriis di politiche linguistiche)
Sin. mantignî
, tignî
-
mantignî la validitât di alc:
chescj principis si tornin a cjatâ za tal stampon dal Progjet di tratât che al istituìs une Costituzion pe Europe e a son confermâts tal test definitîf, dulà che ai 18 di Jugn dal 2004 si è regjistrât il consens dai cjâfs di ducj i stâts che a fasin part de «Gnove Europe a vincjecinc» (Marc Stolf, Minorancis linguistichis);
Vignesie e decît di confermâ ai feudataris furlans e aes comunitâts locâls i stes podês aministratîfs e judiziaris che a vevin prime de concuiste (Carli Pup, Il Friûl de Joibe Grasse dal 1511)
Sin. mantignî
-
v.tr.
lâ indevant a fâ alc, a vê une cierte disposizion, un ciert compuartament:
il Comun di Tavagnà, duncje, al conferme la atenzion ae lenghe dal teritori, che e à puartât a ativâ il sportel pe lenghe furlane (Erika Adami, A Tavagnà si jude il furlan)
Sin. mantignî
Proverbis:
- cui che al tâs al conferme