laudâ
lau|dâ
[AF]
-
v.tr.
pandi favôr, aprovazion, complasiment cun grancj compliments:
a lu clamavin indulà che al coventava da meti jù teraçs preseâts, a lu laudavin a larc e a implenavin li sacheti di moneda (Novella Cantarutti, Il maestri di teraçs);
"No podìn che laudâ un lavôr cussì biel" (Costantino Smaniotto, Co l'amôr al cimie);
chei che a laudin masse a vuelin ingjanâ (Francesc Placerean, Cuintristorie dal Friûl dal 1866 fint in dì di vuê)
Sin. encomiâ
, esaltâ
, incensâ
, preseâ
-
v.tr.
pandi devozion a une divinitât, massime cun preieris o cjantis:
Sebast che al jere governant di Aquilee, lu cjapà e lu fasè bati a sanc, sgrifignâ, spelâ, scotâ tal stomi e tai flancs: e Ramacul dûr, al preave e al laudave Diu (Dino Virgili, La aghe da pît la cleve)
Sin. onorâ
Cfr. adorâ
, venerâ
Proverbis:
- a dî la veretât si laude diu
- cui che al laude se stes nol vâl un ves
- laude i amîs in public, coreziju in segret
- laude il mâr e tenti a la tiere
- laude la mont e tenti al plan
- laude par daûr e dîs mâl su la muse
- mai laudâ il biel dì prin di sere
- ogni cjan al laude la sô code
- ogni cjan al laude la sô code, ogni femine il so frut