dimostrâ
di|mos|trâ
[FO]
-
v.tr.
fâ viodi, fâ capî une cualitât, une preparazion, une atitudin, une sensazion, un sintiment e v.i.:
o sin int che e sa dimostrâ ecelencis in dut il mont ma no sin tant brâfs di autopromovisi (Christian Romanin, Amato De Monte: Il Friûl, patrie des bataiis di civiltât);
scomencìn noaltris a dimostrâ la buine volontât cuintri i reticolâts e lis stangjis (Tarcisio Venuti, La cjase di Toni);
Lucia e veve dome che 33 agns: purtrop e dimostrave di vê 50 (Pierluigi Visintin, Friûl e furlans te Histoire de ma vie di Giacomo Casanova);
la mê ricognossince varai ben timp di dimostrâle (Costantino Smaniotto, Co l'amôr al cimie)
Sin. dâ a diviodi
, distaponâ
, esprimi
, fâ viodi
, palesâ
, pandi
, rindi
, mostrâ
, produsi
-
v.tr.
dâ une fonde salde e argomentade, dâ provis dal fat che alc al è vêr, just e v.i.:
Michael Faraday al puarte a conclusion une schirie di esperiments che a dimostrin la pussibilitât di produsi energjie eletriche dal moviment di cjamps magnetics (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât);
Hans Küng al veve scrit un libri di 945 pagjinis par dimostrâ la esistence di Diu (Agnul di Spere, Spietant)
Sin. aciertâ
, argomentâ
, certificâ
, dedusi
, documentâ
, protestâ
, testâ
, testificâ
-
permeti di capî, fâ di element util par un resonament, par une deduzion e v.i.:
Cavedalis al jere diretôr dai lavôrs pe costruzion de ferade che e veve di unî la capitâl dal Imperi a Lubiane. Une incarghe impuartante che e dimostre trop che al jere preseât come inzegnîr (Giovanni Pillinini, Zuan Batiste Cavedalis - Une vite esemplâr)
-
v.tr.
(ass.)
partecipâ a un at public che al vûl fâ sintî une opinion, rivendicazion, volontât e v.i.:
tai agns Setante miârs di furlans a àn dimostrât in place pe universitât a Udin
Sin. manifestâ