esprimi
/-rì-/
es|pri|mi
[AF]
-
v.tr.
comunicâ, fâ savê a viert, fâ capî:
e po lis peraulis no rivaressin a esprimi la plene di ce che il cûr al rive a sintî (Gianni Gregoricchio, Trê feminis);
Citolini al scombatè in pro dal volgâr par vie che al jere plui adat dal latin a esprimi ogjets, situazions, concets dal presint (Mario Turello, Il brevet);
mi limiti a esprimi un desideri: o volarès che ducj nô furlans o pandessin plui braùre e rispiet pe nestre tiere (Dree Venier, Giannola Nonino: une rivoluzion partide des lidrîs)
Sin. comunicâ
, dî
, pandi
-
fâ che un sintiment, un stât interiôr, un talent e v.i. a vegnin fûr:
par esprimi ad in plen la nestre persone o varessin di educâsi di plui a la espression dal cuarp, a la grafiche, al dissen, a la musiche, ai sintiments che nus vegnin dal profont (Franc Fari, Il cjâf dai furlans)
Sin. pandi
, butâ fûr
, meti fûr
, mostrâ
Cfr. sbrocâ
-
v.tr.
(fig.)
produsi o otignî un risultât che si rive a viodi:
societâts che a esprimerin grandis culturis e religjons (Angelo Vianello, La evoluzion su la tiere. Une storie di competizion e cooperazion);
a pensavin che dome dentri di un moviment plui grant di chel che al veve esprimût il Friûl dai agns 60 incà si podeve disponi de fuarce par liberâ il program autonomist e nazionalitari furlan (Adrian Cescje, Memoriis di politiche linguistiche)
Sin. produsi
, dâ fûr
, burî
, burî fûr
, pandi