garantî
ga|ran|tî
[FO]
-
v.tr., v.intr.
dâ sigurazion di adempiment di un oblic ancje cun bens di proprietât:
al è stât positîf l'intervent fat de Regjon tal garantî cu lis bancjis i credits che i artesans a vevin cu lis publichis aministrazions (Redazion il Diari, Casse integrazion)
Sin. cauzionâ
, cuvierzi
-
v.intr., v.tr.
cjapâ une responsabilitât personâl pal bon compuartament o pal impegn di cdn. altri:
no finive plui di ringraciâlu e di garantî pal so frut: che al sarès stât brâf, che al sarès stât ubidient (Roberto Ongaro, Il muc);
par Pieri Batelin, che a 'nd à une ventine daûr di lui [par fâ une rivolte], o garantìs jo (Alviero Negro, Int di masnade)
-
v.tr.
(fig.)
fâ che alc al sedi, al sucedi, al deventi e v.i.:
dut ce che al garantìs puescj di lavôr al è une benedizion (Riedo Pup, La cjace e i laris);
il plan al à di jessi fat in maniere di garantî sigurece une volte metût in vore (Alessandro Pascolini, Un mont cence armis nucleârs. Sfidis sientifichis e tecnologjichis);
nissune leç eletorâl, nancje la plui maioritarie, e pues garantî la stabilitât di guvier (Sergio Cecotti, Il risultât eletorâl dai partîts di identitât teritoriâl - A case study: Scottish National Party)
Sin. permeti
, produsi
, dâ
-
impegnâsi a fâ alc:
il guvier talian al garantive che tai paîs di lenghe sclave (Resie e Cjanâl dal Nadison) e sarès stade insegnade la lenghe materne tes scuelis publichis (Josef Marchet, E se no nus dassin la autonomie)
Sin. prometi
, zurâ
, afermâ
, declarâ
, dî
-
dî cun sigurece, cence pôre di falâ:
cun ducj i scjalins che o ai fat a Vignesie o garantìs che o varès podût lâ e tornâ di Madone di Mont almancul une dozene di voltis (Arturo Feruglio, Viaç a Vignesie);
te cooperative, us al garantìs jo, si cjatarès di sigûr benon (Tarcisio Venuti, La cjase di Toni)
Sin. prometi
, zurâ
, dî
-
spec. tal participi feminin, ancje tant che interiezion:
Signôr benedet, ce batiment di cûr, garantide che se va indenant cussì o finirai cul malâmi (Pieri Somede dai Marcs, Cjase di fitâ)
-
v.tr.
(fig.)
fâ in maniere che alc, tant che un ben, un servizi, un jutori e v.i., al rivi par sigûr a cui che i covente:
e sudave di un scûr a chel altri su chês cuatri cumieris, par garantîi il pagnut [a so fi] (Roberto Ongaro, Il muc);
vignâi di ue blancje, che a produsevin un vin ecelent e che i garantivin une rendite plui o mancul di mil zechins ad an (Pierluigi Visintin, Friûl e furlans te Histoire de ma vie di Giacomo Casanova)
-
v.tr.
te vendite, dâ par sigûr il bon funzionament dal articul par une dade di timp, cul impegn di comedâlu o di cambiâlu in câs contrari:
il televisôr al è stât garantît par doi agns