permeti
/-mè-/
per|me|ti
[FO]
-
v.tr.
lassâ fâ, lassâ che si fasi:
pre Checo al à protestât in public che [il vescul] nol veve permetude la messe par furlan in ocasion dal congrès eucaristic nazionâl a Udin (Adrian Cescje, Memoriis di politiche linguistiche)
Sin. acuardâ
, autorizâ
, concedi
, conferî
, consintî
, facoltizâ
, lassâ
-
ancje in espressions di cortesie o retorichis:
"Permetial che i presenti la mê amie Irene" (Alan Brusini, Gian Paolo Linda, I forescj);
([…] al jentre il miedi) - Isal permetût, buine sere paronis. (Pieri Somede dai Marcs, Il prossim)
-
v.tr.
ancje cun subiet inanimât o astrat, dâ la pussibilitât:
chest lavôr mi stave ben fintremai che mi permeteve di vê la mê indipendence intant che o studiavi (Oscar Puntel, Toni Capuozzo: «Ognidun al bale cun sô agne»);
la dissipline di partît no ur permet di fâ e di dî dut chel che a volaressin fâ e dî (Josef Marchet, Diferencis)
Sin. dâ la pussibilitât
, fâ pussibil
, lassâ