Dizionari de Lenghe Furlane

prometi  /-è-/  pro|me|ti  [FO]

1. v.tr. impegnâsi a fâ alc:  sô mari daspò si jere rassegnade [al fat che il fi al les emigrant]. Laurinç i veve prometût che al sarès tornât: dome cualchi an, al veve dite (Agnul di Spere, I prâts des Savodagnis); "A eis una roba che nissun al conòs e che, pal mumint, nissun al à di conossi. Prometimi che no ti lu disarâs a nissun!" (Stiefin Morat, Kebar krossè)
   Sin. imprometi , garantî
   Cfr. zurâ
   
   1. impegnâsi a dâ, a lassâ, a vendi, a fitâ e v.i. alc:  par tirâ fûr chei cinc mil francs che nus vevin prometût o vin dovût sudâ cent cjamesis (Pieri Somede dai Marcs, Lis nestris rosis); [Mussolini] al prometeve tiere e lavôr tai teritoris de gnove Italie imperiâl (Roberto Ongaro, Cretevierte)
2. v.tr. fâ previodi:  ([…] cjalant il cuadri) Biel, biel, al promet di vignî propit un capolavôr (Costantino Smaniotto, Co l'amôr al cimie); al cjalave il cîl che al prometeve uciei (Maria Forte, Cjase di Dalban)
   Sin. imprometi
   
   1. (ass.) ancje cun av. o loc.av., fâ previodi un ciert risultât, un ciert rindiment, un ciert futûr e v.i.:  int di sest, zoventût che e promet ben, frutats plens di implant (Josef Marchet, Lis predicjis dal muini)

Polirematichis e espressions idiomatichis

• prometi ben loc.v.
• prometi il mont te sachete loc.v.
• prometi lis sopis al mus loc.v.

Proverbis:

• a prometi al è un debit
• a prometi no dûl la schene, ma ben a puartâ il fas
• cui che al promet masse nol manten nuie
• cui che al promet pai altris al paie par se
• il prometi al è dret, il mantignî al è çuet
• no si è mai tant puars di no podê prometi
• prometi e no mantignî e je vergogne di no dî
• prometi nol sta par atindi
• si promet prin pan che no formadi
• vuarditi di cui che al promet masse