Dizionari de Lenghe Furlane

rincurâ  rin|cu|râ  [CO]

1. v.tr. cjapâ alc che al è par tiere o che al è poiât o picjât di cualchi bande, o che al ven dât di cdn. altri:  dutis chês mans a jerin indafaradis a rincurâ grignei (Alan Brusini, Trê parabulis); la femina di Marasint che a governava la cjasa, a rincurava il fen e a puartava su li spali cjami sproposetadi (Novella Cantarutti, La femina di Marasint)
   Sin. cjapâ sù , cjoli sù , çumâ , racolzi , tirâ sù , dispicjâ ipon.
   Var. nincurâ , rancurâ
2. v.tr. (ancje ass.) cjapâ e meti a puest e in câs netâ alc che al è ator o in disordin:  a i dîs sô mari: "Doman i vai a vora, rincura sù in cjasa, lava il cop" (Popolâr - Bruna Cassan, cit. in Novella Cantarutti, Le storielle di Orgnan)
   Sin. regolâ , guviernâ
3. v.tr. (fig.) cjapâ e vê la responsabilitât di alc:  al è necessari sensibilizâ e rincurâ la trasmission di cualsisei idiome [...]. Chel che al è impuartant al è il rispiet de diviersitât linguistiche e culturâl (Silvia Folla, Riflessions su la lenghe)
   Sin. cjapâ sù , racolzi
   
   1. cjapâ e acetâ alc di imateriâl che al ven mandât, dât, tant che une propueste, une sfide, un invît e v.i.:  Bidin nol rincurà la provocazion e al preferì di lassâ colâ il discors (Riedo Pup, Chei di Martrent)
4. v.tr. jentrâ in possès di plui ogjets, elements, tocs e v.i. in mût di fâ une colezion:  o soi rivade adore a rincurâ mobii interessants e preseâts, creps cjargnei dal Sietcent cun decorazions a man, e tancj altris tocs di valôr (Meni Ucel, Culturis)
   Sin. colezionâ , dâ dongje , racolzi
5. v.tr. fâ che plui elements, materiâi o imateriâi, si dedin adun o a sedin adun:  cualchidun al à vût il pinsîr di rincurâ e di meti insiemi almancul un braç di dutis chestis predicjis (Josef Marchet, Lis predicjis dal muini)
   Sin. concentrâ , dâ adun , meti adun , tirâ adun , clamâ adun ipon. , dâ dongje , racolzi
   
   1. rivâ a meti dongje une cierte sume di bêçs che e rive di plui jentradis
   2. fâ in mût di vê une cierte cuantitât di elements, tant che firmis, adesions e v.i.:  o soi lât a rincurâ lis firmis dai puars e mi àn sintût a svantâ i nestris dirits par dutis lis ostariis dal contor (Alviero Negro, Int di masnade)
6. v.tr. rivâ a cognossi e a regjistrâ nozions, informazions, dâts e v.i. e a dâur un ciert ordin:  o ten a precisâ che dutis lis biografiis dai dodis artiscj, che o ai rincurât personalmentri, a son stadis fatis daûr des indicazions e de aprovazion dai artiscj stes (Gloria Angeli, Il Strolic furlan pal 2011)
   Sin. cjapâ sù , dâ adun , meti adun , tirâ sù , rilevâ¹ , racolzi
7. v.tr. vê dentri cierts elements
   Sin. cjapâ sù , dâ adun , meti adun , tirâ sù , racolzi
8. v.tr. cjapâ cun se cdn., dopo che al è stât di bessôl o cun cdn. altri, soredut par compagnâlu a cjase o di cualchi bande
   Sin. cjapâ , cjoli
   
   1. cjapâ in cjase, dâ bon acet:  «Ma vi rincure almancu, vi dae da mangjâ?» (Novella Cantarutti, L'uminin dai stecs)