riferî
ri|fe|rî
[AF]
-
v.tr.
meti in relazion:
une sielte di grafie cence riferîle a une lenghe comune e a une stabilizazion de morfologjie e sarès stade çuete (Adrian Cescje, Memoriis di politiche linguistiche)
-
v.intr.
jessi in relazion:
la provincie di Udin e tignive dentri ancje il Friûl ocidentâl, impen che il Gurizan al jere pene passât al stât talian e nol riferive a Udin (Max Mauro, Felix Marchi e il sium dal furlan-furlan)
-
v.tr., v.intr.
fâ savê a altris une informazion o un messaç, ancje puartantlu par cont di cdn. altri:
i «Ricordi militari del Friuli» di E. Dagostini […] al riferìs un grum di particolârs e al met adun une biele vore di documents (Josef Marchet, Cuintristorie dal Friûl dal 1866 fint in dì di vuê);
lu mandarin prin a fâ l'osservadôr sul cjampanili de plêf di Feagne par che al riferissi al comant (che al jere propit tal paîs) su la ativitât che si induvinave cui fums e cui colps sul Cjars (Lucio Perès, Vigji il vuardian)
Sin. comunicâ
, contâ
, dî
, motivâ
, palesâ
, pandi
, partecipâ
, puartâ
, ripuartâ
, fâ savê
-
v.intr.
di percezion, di mût di stâ fisic o ancje di malstâ, fâsi sintî intune cierte maniere o intun ciert pont, soredut secondari rispiet a chel principâl:
al veve metude une man sul cûr che al sbalçave e lui sal sintive a sbalçâ come un crot dentri de cjamese e i riferive tai timplis (Dino Virgili, La aghe da pît la cleve);
il dolôr mi riferìs fin te schene (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. riferîsi