Dizionari de Lenghe Furlane

motivâ  mo|ti|vâ  [AF]

1. v.tr. dî in maniere svelte e superficiâl, cence jentrâ ben tai detais:  no i plaseve nancje la idee di viodi a partî i siei fîs lontan di là. Nome a motivâi cheste pussibilitât, al gloteve cidin e rassegnât (Enrico Martina, Ricuarts e inlusions)
   Sin. dî
   Var. mutivâ , mutigâ
   
   1. dî pe prime volte:  co al motivà di lâ a Rome par imparâ un mistîr, nancje chei di cjase si smaravearin de sô decision (Lucio Perès, Il mâl dal mûr); cuant che Macôr al motivà di maridâsi e al disè chel non, propit Sunte, a Madin i parè di vê stracapît (Dino Virgili, Come tornâ fruts)
   2. contâ ancje plui in detai:  "Mi mande Enel Eletric, se mi fâs jentrâ i motivi dut." (Gianluca Franco, I triscj)
      Sin. dî , contâ
2. v.tr. dî il motîf, la reson, la justificazion di alc, dâ la reson di alc, justificâ, pandi i motîfs:  devant di une distribuzion cussì largje di isomorfisims mitics e rituâi il Ginzburg si à ponût il probleme di motivâle cun criteri storic (Sandri Carrozzo, Difusion, origjin comune, morfologjie)
   Sin. justificâ
   
   1. sostignî cuntun ciert argoment:  Eliseo al motivave che a lui chel lavôr nol podeve reonâ par vie che nol cognosseve ni la int ni il mistîr (Carlo Sgorlon, Prime di sere)
3. v.tr. jessi il motîf, la cause di alc, produsi une consecuence, un efiet e v.i.:  al è ben altri che al motive sot vie la lôr debilece di pinsîr! (Adrian Cescje, Memoriis di politiche linguistiche)
   Sin. causâ , causionâ , produsi
4. v.tr. sburtâ cdn. a fâ alc, fasint cressi la sô volontât:  motivâ i arlêfs al scambi comunicatîf (Patrizia Pavatti, La tutele de lenghe furlane a scuele)
   Sin. cjariâ , sburtâ , tirâ sù