fâ savê
[AF]
-
loc.v.
informâ di alc:
e à fevelât a lunc, disint dut ce che e voleve fâ savê (Pieri Menis, Chei di Muraie);
ti scrîf par fâti savê cetant ben che ti vuei. No ti scrîf di un grum di timp, e tu dulà che tu sês tu varâs bisugne di sintîtal a dî (Agnul di Spere, Chê dì che al neveà a Vignesie);
dome ai 27 di Avost il president al à fat savê che al clamarà dongje cheste Conference, ancje se nol à comunicât nissune date precise (Carli Pup, Sot atac l'avignî de lenghe furlane)
Sin. comunicâ
, informâ
, fâ cognossi
, pandi
, dî
Components:
-
fâ
v.tr., s.m., v.intr.
-
savê1
v.tr., v.intr., v.mod.
Proverbis:
- pluitost di fâ savê dut ce che si sa, al è miôr mangjâ dut ce che si à
- se tu vûs fâ savê une robe, contile in segret