ripuartâ
ri|puar|tâ
[AF]
-
v.tr.
[BF]
(ancje fig.)
puartâ di gnûf o puartâ indaûr:
si trate di ripuartâ il furlan ai fruts che lu àn pierdût (Oscar Puntel, Toni Capuozzo: «Ognidun al bale cun sô agne»)
Var. rapuartâ
-
tornâ a puartâ intune cierte cundizion, situazion e v.i.:
o vin di lavorâ insiemi par ripuartâ il nestri Pinot Grîs a un ricognossiment slargjât di cualitât (Antonella Lanfrit, Ce che al bol tal cjamp vitivinicul regjonâl. La cuistion des Doc, a partî dal Pinot Grîs)
-
(fig.)
fâ lâ cul pinsîr, cul ricuart cu la fantasie a alc, soredut a alc di passât o di diviers de situazion presinte e reâl:
un fat che nus ripuarte a la Rome dal 1600 cuant che i pelegrins a podevin cjatâ in chês glesiis lis relicuis plui straniis (Tonin Cjapielâr, Robis fûr di plomp)
-
v.tr.
[BF]
rivâ a otignî:
se mai ti ai dât cualchi content, se mai / ripuartât da te jo avès un piçul merit / non mi lassâ […] (Zuan Josef Busiç, La Eneide di Virgjili)
-
v.tr.
[AF]
fâ savê a cdn., ancje rispiet a alc che si à sintût o savût di cdn. altri:
o cirarai di ripuartâus i fats il plui pussibil dongje di come che ju ai sintûts (Raffaele Serafini, Contis sot spirt);
invidiose dal mio ben, / mi veve ripuartade chê bausie (Zuan Lurinçon, Min)
Sin. comunicâ
, contâ
, dî
, motivâ
, palesâ
, pandi
, partecipâ
, puartâ
, riferî
, fâ savê
-
dâ o tignî testemoneance:
la storie e ripuarte dome nons di grancj, che a son lâts a rive te storie ma che no àn fat redenzie di nuie (Antoni Beline, Pre Pitin);
i prins documents che a ripuartin cualchi peraule par furlan a rimontin ae fin dal secul XIII (Pier Carlo Begotti, Federico Vicario, Peraulis di chenti)
-
v.tr.
[AF]
copiâ, publicâ, o meti un test, une imagjin, un dât e v.i. suntun ciert supuart:
nô no lu vin sintût integrâl e o scugnìn contentâsi di ce che al à ripuartât il gjornâl (Riedo Pup, Il «ceppo» dal assessôr);
Cino mi à spedide une letare. […] O vuei ripuartâle culì. Mi zovarà a meditâle une altre volte (Gianni Gregoricchio, Trê feminis);
lis taulis coloradis dai mês [dal Strolic] a ripuartin dodis pituris a fresc dal XV secul (Redazion SFF, Il Strolic furlan pal 1971)