Dizionari de Lenghe Furlane

ponisi  /pò-/  po|ni|si  [CO]

1. v.pron.intr. cjapâ une cierte posizion, o ancje situazion, relazion, cundizion ancje psicologjiche, morâl, jerarchiche e v.i.:  cemût si ponie la Italie tai rivuarts de realtât europeane? (Roberta Melchior, Bisugne di cussience de diviersitât); cui che al è vignût di fûr al à podût sielzi tra doi mûts di fâ e di ponisi: scoltâ e metisi ai ordins de int e dai siei comitâts [...] o pûr pontâ dut su la proprie capacitât di organizâ il propri intervent in mût autonom (Igor Londero, Cuintristorie dal taramot)
   Sin. metisi
   Var. pognisi
2. v.pron.intr. metisi distirât:  [te gnot di sant Zuan] e lavin a ponisi nûts ta rasade (Andreina Nicoloso Ciceri, L'uovo dal guscio di pietra)
   Sin. poiâsi , distirâsi
   Var. pognisi
   
   1. metisi distirât par durmî:  dopo gustât, e le a ponisi ma no rivà adore di durmî (Jolanda Mazzon, Fûr di timp)
      Sin. butâsi
   2. vê un rapuart sessuâl
3. v.pron.intr. di un cuarp celest, sbassâsi su la linie dal orizont o lâ sot de linie dal orizont:  al va a mont, al si poia al soreli (Ugo Pellis, Al rusignûl svuarbât)
   Sin. bonâ , tramontâ , lâ jù , bonâsi , lâ a mont¹ , calâ , lâ sot
4. v.pron.tr. meti alc in relazion cun se:  mi soi dut câs tornât a poni la domande: "Cemût imbastî chest libri?" (Max Mauro, Un Friûl difarent: i 90 mhz di Onde Furlane)