Dizionari de Lenghe Furlane

lâ a mont¹    [AF]

1. loc.v. dal soreli o di un altri cuarp celest, lâ sot de linie dal orizont:  il voli si pierdeve vie par cjamps lavorâts, par prâts e boschetis fissis e verdis, fin sui cuei lontans dulà che al leve a mont il soreli (Pieri Menis, Marum); a son partîts tal scûr de gnot; la lune e jere lade a mont (Pieri Somede dai Marcs, Gnot clare gnot scure)
   Sin. lâ jù , tramontâ , bonâsi , dâ jù , calâ
   
   1. loc.s.m. moment o ore che il soreli o un altri cuarp celest al va sot de linie dal orizont:  partint sul lâ a mont dal soreli, pes dîs a podevin jessi te cove (Pieri Menis, Tal bosc di Kebespok)
      Sin. tramont , amont
2. loc.v., loc.s.m. (fig.) svicinâsi ae fin e finî:  la anade e je lade a mont cence nissun cuarantevot, almancul par noaltris (Josef Marchet, Preambul rusin); te suaze di "un lâ a mont de sovranitât dal Stât talian", Cavallo al riten che la specialitât e je "l'imprest necessari par che realtâts come il Friûl e Triest a puedin gjestî come che al covente lis lôr diferencis economichis, sociâls, culturâls e gjeopolitichis" (Antonella Lanfrit, Une specialitât simpri plui vitime dal neocentralisim)
   Sin. calâ , murî , distudâsi , finî

Components:

• lâ v.intr., s.m.sing.
• mont¹ s.f., s.m.

Proverbis:

• cuant che il soreli al va a mont, la mignestre a sa di ont