amont
/-ònt/
a|mont
[AF]
-
s.m.
passaç di un astri, spec. dal soreli, sot de linie dal orizont:
i ultins rais dal amont prin di sepulîsi daûr i cops dal toglât a jentravin dal barcon viers il curtîl (Pieri Somede dai Marcs, Il tinel);
cumò, l'amont si imbosche tai peçs e al fâs incolorît il vueit fra len e len (Maria Forte, La tiere di Lansing)
Sin. tramont
Cfr. bonâ
, bonât
-
s.m.
(fig.)
direzion o pont cardinâl de bande che il soreli al tramonte:
rivâ fin ai confins de Tiere par cjoli sù lis pomis di aur tal Zardin des Esperidis, lis divinitâts dal amont, dal Ocident (Adrian Cescje, Viaç aes origjins dal Logos);
la rubriche "Documents su la Cuestion furlane" dal mensîl "Ladins dal Friûl", tal numar di Zenâr, e à proponût une "Letare davierte" ai furlans di Jevât e di Amont (Redazion La Patrie dal Friûl, Pai amîs di Gurize e di Pordenon)
Sin. Ovest
, ocident
, soreli a mont
-
s.m.
(fig.)
fin, fase finâl:
a jerin i agns che cualchi autôr di storie al veve clamât "dal amont des grandis ideologjiis" (Agnul di Spere, Frêt);
[il sarasin] al è rivât chenti sul amont dal Cuatricent, rivât de Asie centrâl, e in cualchi puest lu àn vût coltivât fin tai agns Cincuante dal secul stât (Enos Costantin, Friûl: une patrie di blave)
Sin. fin2
, tramont