soreli a mont
[AF]
-
loc.s.m.
il lâ jù dal soreli dongje dal orizont e sot dal orizont, moment de zornade che il soreli al va dongje e sot dal orizont:
la campagne e jere dute in flôr e la sere e lusive dal aur dal soreli a mont fra une ligrie di grîs e rusignûi (Pieri Somede dai Marcs, La sûr)
Sin. tramont
, amont
-
loc.s.m.
pont cardinâl che al segne la direzion li che al va jù il soreli, direzion, teritori e v.i. che al è de bande di chel pont cardinâl:
la Patrie dal Friûl e je chê tiere che si cjate a sei tal cûr da la Europe, tacade cu la Austrie a tramontan, cu la Jugoslavie a soreli jevât e cu la Italie a soreli a mont (Riedo Pup, No impaçâsi);
i muarts de plêf di Sant Martin, par vieri, ju soteravin su la mont di Sant Pieri a Zui, glesie mari dal cjanâl. E la mont di Sant Pieri e je te stesse direzion di Sant Jacum, viers soreli a mont (Antoni Beline, Sant Jacum, là che al finìs il mont)
Sin. Ovest
, ocident
, a mont
, bonât
, soreli bonât
, soreli poiât
Components:
Proverbis:
- cuant che il nûl al va a soreli jevât, mole il bo e va pal prât; cuant che il nûl al va a soreli a mont, cjape il bo e va a disconç
- prin ton a soreli jevât, cjol il sac e va a marcjât; prin ton a soreli a mont, cjol il sac e va pal mont
- soreli a mont tal sac, di ploie dut un slavuac