distirâsi
dis|ti|râ|si
[FO]
-
v.pron.intr.
metisi jù pognet, metisi jù par lunc, massime par polsâ o durmî:
ju compagnave te stale, a distirâsi tal fen (Antoni Beline, Sant Jacum, là che al finìs il mont);
co era straca, a si distirava ta ombrena dai pôi e dai morârs (Ugo Pellis, Catinuta);
e jere la tierce gnot che no si distiravin e di doi dîs incà che o mangjavin nome galete sute e scjatoletis di cjâr frede (Pieri Menis, La setemane rosse)
Sin. butâsi
, disvoluçâsi
, jemplâsi
, metisi
, pognisi
, poiâsi
, sglonfâsi
, butâsi jù
-
v.pron.intr., v.pron.tr.
slungjâ il cuarp o une part dal cuarp, massime par fâle stâ miôr dopo un sfuarç, dopo jessi stade in posizions simpri compagnis o no comudis, par sveâle e v.i.:
in chel si sveà e, mugulant come un vidiel, si jevà sù distirantsi i braçs par aiar (Pieri Menis, Chei di Muraie)
Sin. stirâsi
, slungjâsi
-
v.pron.intr.
(ancje fig.)
deventâ plui lunc, o in gjenerâl plui grant:
cuant che un popul al va indenant, il so fevelâ si svilupe, si distire, si articole, si perfezione (Josef Marchet, Un element fondamentâl dal moviment autonomistic)
-
v.pron.intr.
cjapâ une estension di spazi, mostrâsi in dute la sô estension:
plui che il vêl de la gnot, una cuviarta penza di nûi che si veva distirât sot la capa del cîl, faseva propri spaventosa la oscuritât (Federigo Comelli, Il me paîs);
la Cleve rimite si distirave tal soreli tivit che al dismoveve lusignutis di aghe sui fros de jerbe inriçade ad ôr dal curtîl (Dino Virgili, La aghe da pît la cleve)
Sin. slungjâsi
, slargjâsi
, disglagnâsi
, slumbriâsi
, davuelzisi
-
difondisi:
al veva poura da la fan che al la jodeva distirâsi simpri pi a larc e simpri pi insot; la dì che a fos rivada encja ta la sô cjasa a na i varessin zovât nua i sacuts plens di moneda (Novella Cantarutti, I voi di Miriscja)
Proverbis:
- cui che si distire plui che a son luncs i bleons, si discuvierç i pîts