jemplâsi
jem|plâ|si
[AF]
-
v.pron.intr., v.pron.tr.
(ancje fig.)
fâ deventâ plen se stes, une part di se stes, alc par se stes o cun reciprocitât, sedi di alc di materiâl che di imateriâl:
l'om si jemplà la tace e al tacave a bevi adasi adasi (Carlo Sgorlon, Prime di sere);
la Stele e si jemple lis mans di veretis (Catarine Percude, La plui biele)
Sin. implenâsi
, colmâsi
Var. emplâsi
-
(iperb.)
mangjâ o bevi une vore:
[i presonîrs liberâts fûr dal lager] si son jemplâts cirint di passisi ma il stomi nol tignive nuie e in chê maniere tremende a son muarts (Max Mauro, Buchenwald 1944);
a saressin lâts a jemplâsi di vin te ostarie (Mauro Della Schiava, Storie dal taramot platade, Igor Londero: "La storiografie e varès di jessi une arme par dreçâ tuarts")
-
v.pron.intr.
(ancje fig.)
deventâ plen o vê alc in grande cuantitât, sedi di alc di materiâl che imateriâl:
daspò di un bon temporâl, il poç si jemplave di aghe fin tal ôr (Franca Mainardis, Il sium di Lissandri);
al tornave a visâsi e i siei voi si jemplavin di lagrimis (Andreina Nicoloso Ciceri, Blancje come la nêf - Racconti popolari friulani I);
il cîl si jemplà di nûi neris (Maria Forte, Il bal spisimât des ombrenis);
la cjase e scomençà a jemplâsi di int (Carlo Sgorlon, Il dolfin);
pensant a chei timps, il cûr si jemple di nostalgjie e di rabie (Tonin Cjapielâr, Une scuele sbalade)
Sin. implenâsi
, colmâsi
, colmenâsi
, cjariâsi
, cjamâsi