slungjâsi
slun|gjâ|si
[AF]
-
v.pron.intr.
deventâ plui lunc:
e li, tabaiant fis fis, cui comedave i vistîts de canaie, cui gucjave, cui corletave, cui filave la cjanaipe fasint pirlâ il fûs a pendolon dal fîl che si slungjave simpri plui (Pieri Menis, Sot il puarti)
-
deventâ plui alt, cressi di stature:
[dopo vuarît] al jere tornât miôr di prin e si jere slungjât ancjemò (Pieri Menis, Vigji il cuintribandîr)
-
v.pron.intr.
vê une estension tal sens de lungjece:
su la place, nete come un libri, lis riis di modon crût si slungjavin tal soreli (Dino Virgili, La aghe da pît la cleve);
la vigne che a roncs si slungjave fin scuasi sot de mont (Pieri Somede dai Marcs, La bissebove)
-
v.pron.intr.
meti il propri cuarp o movi une part dal propri cuarp in mût che a stedin distirâts o che a rivin plui lontan:
Catine si slungjà intal jet. Taresie i gjavà il secont cussin di dâur la schene (Gianni Gregoricchio, Trê feminis)
-
v.pron.intr.
rivâ fin tun puest che al è un pôc lontan o che nol è masse facil di rivâ:
orès slungjâmi fin a Moimâs (Pieri Çorut, Cividât)
-
v.pron.intr.
deventâ plui lunc tal timp, durâ di plui o vê une cierte durade tal timp:
[sot Pasche] la zornade si slungje, il soreli al sclipìs, si svicine la vierte (Tonin Cjapielâr, Sabide sante pal gno popul)
-
v.pron.intr.
[TS]
fon.
di une vocâl, di curte deventâ lungje
-
v.pron.intr.
cjacarâ o scrivi in detai o ancje cun masse detais:
un predi di Raìns, che al veve scrite par antîc dute la storie, si jere slungjât par pagjinis a fâ la sô descrizion (Carlo Sgorlon, Il dolfin)
Sin. fâle lungje
, slumbriâle
, slungjâle
, sprolungjâsi
, tirâle lungje
, cincuantâle
-
v.pron.intr.
[BF]
di une sostance fluide, deventâ mancul concentrade jentrant in soluzion cuntune altre
-
(fig.)
di cualsisei robe o fenomen, pierdi a man a man lis sôs carateristichis plui tipichis, messedantsi cun alc altri
