pipe
pi|pe
[AF]
-
s.f.
imprest formât di une canele lungje cun insom un ingjâf avonde larc di tignî une cierte cuantitât di tabac o di altre sostance, che si dopre par fumâ:
polsâ un marilamp ta la ombrene cu la pipe impiade (Dino Virgili, La aghe da pît la cleve);
Rico lu cjale, fer, e nol gjave nancje la pipe de bocje: juste le sposte in bande de bocje chel tant, cu la man, par dîi: «Oe là», come nie (Meni Ucel, Enio e Rico);
al fumave plui che no il camin dal privilegjo, tune pipone di porcelane grande come la cogume dal cafè di mê none (Pieri Menis, Lis leiendis di Buie)
Sin. cai
, fume
Cfr. bochin
, pipul
, canucje
, camin
, cainet
-
s.f.
cuantitât di tabac che si met e si fume intune volte cun chel imprest:
si jere ridusût a fumâ lis sôs cinc pipis di ogni dì, cul melilot dai palûts che al spandeve pe cjase un odôr dolç e pastôs (Maria Forte, Cjase di Dalban)
-
s.f.
(coloc.)
in espressions che a pandin o a rinfuarcissin une negazion:
"Cjo puar frutat." "Puar une pipe […]" (Costantino Smaniotto, Co l'amôr al cimie);
une robe che no vâl une pipe (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. boro
, borse
, busignele
, cai
, dret
, fave
, ghele
, malandrete
, nuie
, ostie
, potigne
-
s.f.
[TS]
ling.
simbul in forme di liniute pleade, cu la spice injù, che si dopre in ciertis grafiis par modificâ il valôr di ciertis consonantis:
Etelrêt Pascul al dopre sul sfuei che al dirêç, Int Furlane, la grafie di Scuele Libare, chê cu lis pipis (Adrian Cescje, Memoriis di politiche linguistiche)
-
s.f.
[TS]
zûcs
pont fat zuiant di scove
-
s.f.
(fig., fam.)
nâs:
cjo un façolet, netiti la pipe
Sin. nâs
, nape
Proverbis:
- la pipe e je une mieze compagnie