Dizionari de Lenghe Furlane

pietôs  pi|e|tôs  [CO]

1. adi. che al è plen di pietât, che al pant pietât, caritât:  la Mabile intant si jere tacade ae pile da la aghe sante e si faseve viodi dispès inzenoglade e cu la muse pietose, tal prin banc in glesie (Maria Forte, Mabile la Lunghine); o scomençai a sintî par Jole une tenarece pietose (Carlo Sgorlon, Il dolfin)
   Sin. caritatevul , clement , compassionevul , indulgjent , misericordiôs
2. adi. che al fâs vignî dûl:  il plevan al veve visât che il funerâl di Licia al sarès stât dopo jespui e al invidave la int a cjapâ part tratantsi di un câs cussì pietôs, di une zovine cussì par ben, pure, sul flôr di vite (Pieri Menis, Si disarès che e je inventade)
   Sin. gram² , sfortunât , disditât , disfortunât , disgraciât , miserabil
3. adi. che al è negatîf, brut, di scjarse cualitât, che al fâs o al varès di fâ vergognâ e v.i.:  magari cussì no, la situazion che si viôt ator e je pietose. A mancjin lis fondis, ma tantis mestris no si preocupin di no vê lis cognossincis suficientis (Serena Fogolini, Tancj insegnants in pension: si fâs fature a cirî docents di furlan); nancje cuintri cheste pietose debilece nol è rimiedi: cui cu nas cu la anime dal famei o dal pitoc, al restarà simpri famei o pitoc (Josef Marchet, Sudizion, la pecje dai furlans)
   Sin. brut , trist , disgraciât , meschin , penôs , scart , scjadint , scjars , cragnôs , vergognôs , di vergognâsi , miserabil

Proverbis:

• miedi pietôs al fâs la plaie puçolente