lat
lat
[FO]
-
s.m.
tai mamifars, secrezion des glandulis dai luvris o dai pets che e je l'aliment dai fîs piçui e che, spec. di vacje, di cjavre o di piore, si pues doprâ par fâ spongje, formadi e v.i.:
amâ la sô int, la sô tiere, il so cîl… chel cjantonut dulà che al è nassût, che al à tetât il lat di sô mari (Pieri Piçul, Vieri e gnûf);
ogni ben di Diu: cuincis, salam, formadi, lat, pignot, scuetis di ogni sorte (Riedo Pup, I furlans e il camarin);
il canai al vignè sù taront e sveât, a sun di lat e 'suf (Novella Cantarutti, La agna Mia di Ristec);
sot sere, cuant che la int e lave a puartâ il lat te latarie dongje la beorcje (Maria Forte, I ôcs di Miute)
Cfr. caiostre
, batude
, formadi
, pane
, çuç
, spongje
, sbrume
, latâ
, dislatâ
, molzi
, latarie
, latâr
, casâr
, latarûl
, latoane
-
tant che riferiment di confront par robis blancjis, ancje in funz. di adi.inv.:
un blanc dal colôr dal lat (Checo Tam, Sense);
une puarte cui veris di un blanc lat (Agnul di Spere, Spietant)
-
in confronts o metaforis par robis claris e plasintis:
si visave di chês gnots di no crodi, blancjis e cjaldis come il lat, che al veve passadis cun jê sui roncs di Rivis (Alan Brusini, Par stradis lungjis);
bielis zornadis, no mo? Zornadis di aur. Pe taviele a son come il lat: butui che a si spalanchin sot i voi, ramaçs che a si vistissin di floridure de sere ae buinore (Josef Marchet, Lis predicjis dal muini)
-
s.m.
licuit di cualchi plante, o ancje fonc, o di cualchi pome o semence, spec. se no je inmò madure:
l'Unvier l'è invelegnât, / […] / […] / […] / […] / si inglace il lat des plantis (Pieri Somede dai Marcs, Glaç);
[i fîcs] si ju mangjave cul lat che al gotave (Riedo Pup, I furlans e la fam);
tante fam di mangjâ la polente di soròs e la blave ancjemò cul lat (Lucio Perès, Mê none Miute)
-
s.m.
(pop.)
licuit seminâl
Sin. semence
, sbore
, sboradure
, ont
Polirematichis e espressions idiomatichis
Proverbis:
- al vûl lat a fâ formadi
- ancje il lat di vacje al è blanc
- cali vieri e lat zovin
- chês che a mangjin crostis e lat, no cjataran un biel fantat
- il cali vieri e il lat zovin
- il lat al è la ruvine dal sac
- il lat al ven pe bocje
- il lat di Atom al fâs dulî la panze di Invier
- il lat nol ven dai vues
- il vin al è il lat dai puars viei
- inant che nuie, meste e lat
- lat e vin mace il bambin
- no si po vendi il lat e fâ formadi
- pan di une dì, ûf di une ore, lat di un minût e vin dut l'an
- polente e lat bulît, cuatri salts al è digjerît
- polente e lat, il past dal gjat