sbrume
sbru|me
[AF]
-
s.f.
complès formât di tantis bufulis di aiar tacadis tra di lôr:
si rît, si scherce e la bire e je ancjemò plui buine, cu la sbrume che e lasse il segn ator dai lavris e su la barbe (Cristina Noacco, Faliscjis);
la aghe e jere torgule e a lamacs parsore vie, e la sbrume di tancj savons, penze e incragnide ator ator sot lis lastris di piere (Maria Forte, La aghe dal Ariul)
Var. brume
-
s.f.
(fig.)
forme o pretese superficiâl une vore scjassose, ma cence nissune sostance:
se in dut Udin, cun passe cent e cincuante predis, a vevin dibisugne ancje dai clerics [pes funzions di Pasche dal vescul], al vûl dî che no vevin nuie, dome sbrume (Antoni Beline, La fabriche dai predis)
Sin. fum
-
s.f.
(fig.)
part piês, categorie piês:
su la place a rivave la sbrume de maleducazion, de tristerie e de violence (Pieri Piçul, Storie dal popul furlan)
Sin. scart
-
s.f.
part plui grasse dal lat che si infissìs parsore cuant che si lu lasse fer:
la none e sbat la butilie de sbrume par fa la spongje (Sergio Visentin, Viarte in mont)
Sin. creme
, sbrum
, pane
, cjapiel dal lat
Var. brume
-
s.f.
sorte di tiessût fof, in gjenar di coton:
Si lavave tal seglot… Crote… Lis mans lizeris a passavin cuntun panzel di sbrume blancje, su la piel colôr di rose… (Dino Virgili, La aghe da pît la cleve)
Proverbis:
- la buine cjar e fâs putrope sbrume