brume
bru|me
[CO]
-
s.f.
complès formât di tantis bufulis di aiar tacadis tra di lôr:
[molzint] cuant che il seglot al è vueit, al sclipigne e al sune come un viulin e si sint: «Zin… zin… zin… zin…». Cuant che al sta par jemplâsi, e dentri e je tante brume, alore si sint: «Bluf… bluf… bluf…» (Gjovanin Tonino, La vacje More);
la polente e fumave sul so taulîr e il muset al sbarbave inte sô padiele jenfri la brume dal tocj (Jaio Furlanâr, Il dì dal an da agne Lene)
Var. sbrume
-
s.f.
(fig.)
part piês, categorie piês:
si sovegnisi che in moments cussì neris come chei di cumò, che la vite di ducj e je peade par une glagne di fîl, la brume dal popul talian e à il podê di fâ ce che e vûl cun chest fîl (Josef Marchet, L'esempli di adalt)
Sin. scart
-
s.f.
part plui grasse dal lat che si infissìs parsore cuant che si lu lasse fer:
une biele concje di brume e lat e çuç in abondance (Luigi Gortani, La bolp e il lôf);
cu la brume de setemane si faseve, la sabide dopo misdì, la spongje (Pieri Menis, Il cuader de none)
-
s.f.
(fig.)
part che e sta parsore, part miôr o plui fine:
se in citât si à la brume de «culture», in campagne si à il lat de culture, che cence di chel no ven fûr la brume (Antoni Beline, Paîs e citât)
-
s.f.
fenomen meteorologjic che al sucêt cuant che l'aiar al nivel dal teren al à tante umiditât di someâ un nûl e di ridusi o impedî la visibilitât:
dopo un viâl imbombât di brume, une cjase e comparive tal mieç de campagne (Nadia Pauluzzo, Il bintar);
cjamps e cjamps di claris che si pierdevin te brume fisse (Franca Mainardis, La liende dal riûl)
Sin. brumacje
, sbrumacje
, fumate
, caligo
, calighere
, fumane
, fumatâr
, fumatele ipon.
, fumatice ipon.
Proverbis:
- il mês di brume ogni diaul si ingrume
- il mês di brume ogni peçot si ingrume
- lune di brume mieze sute e mieze bagnade