creme
/crè-/
cre|me
[AF]
-
s.f.
part grasse dal lat, che se si lu lasse polsâ e sta parsore:
alore jù a sbati e sbati e sbati come une mate un butilion jemplât di chê creme [par fâ la spongje] (Raffaele Serafini, Altris contis di famee)
Sin. pane
, sbrume
, cjapiel dal lat
-
s.f.
in scaletarie, preparazion dolce fluide ma no dal dut licuide, pal solit fate cun lat, ros dal ûf, zucar e in câs ancje altris ingredients:
cuant che la torte e je frede […] taiaitle a metât e jemplaitle cu la marmelade o cu la creme (Emilia Baldassarre, Ort e cusine)
-
dolçut di scaletarie fat cun chê preparazion, insiemi cun strâts di sfueade e pan di spagne:
Tilio al comprave une creme, Celso une esse, Lande un narant e vie vie (Meni Ucel, I colaçs);
un fantat si lecave i dêts ancjemò blancs de creme a pene robade (Noemi Salva, Profum di musiche)
Sin. paste creme
-
s.f.
mignestre passade in maniere di vê une consistence vualive:
creme di selino râf (Dree Venier, Dai prins di Mai Là di Moret al à il menù in lenghe furlane)
-
salse semilicuide:
gnocs di polente cun creme di formadi e speck (AAVV, 14a Sapori Pro Loco)
-
s.f.
preparazion cosmetiche o farmaceutiche di consistence tenare:
i scurets dal barcon si vierzin e la biele, magari cui bigodins tal cjâf o cu la creme su la muse, si fâs viodi, intant che l'inamorât i mande une rose e une bussade (Cristina Noacco, Faliscjis);
e gjavà dal scabel un tubut cuntune cierte sô creme e lu impomatà cun grande curie (Agnul di Spere, Zûcs di Istât)
Sin. onzint
, pomade
-
cualsisei sostance di consistence tenare, cun cualsisei funzion:
scarpis che viodin / di râr la creme… (Zaneto, Il gno ritrat)
-
adi.inv., s.m.sing.
viôt colôr creme
Sin. cremin
-
s.f.
(fig.)
grup sierât di personis che al à une posizion favoride o di domini intun setôr des ativitâts:
se no tu jeris de creme di Udin, fi di cualchi miedi, avocat o nodâr, tu partivis za in svantaç (Checo Tam, La haine);
sintade denant e jere dute la creme de zitât (Alviero Negro, Serafin)
Sin. aristocrazie
, élite
, flôr
