molzi
/mó-/
mol|zi
[AF]
-
v.tr.
(ancje ass.)
strenzi i cjavidiei des vacjis, cjavris, pioris e v.i. par vê il lat:
Mariute si impensà che e jere di molzi la Stele e alore e sbrissà vie incorinte e cidine (Maria Forte, L'aventari pal barcon);
tu 'nd molzis un cjadin; / e tu fâs spongje, sîr, formadi e scuete, / che par nô puars je robe benedete (Pieri Çorut, La vacje);
la vacje si lamentave e alore e scugnive cori cul seglot, a molzi (Gianni Gregoricchio, Îr e doman)
Var. monzi
-
v.tr.
(fig.)
fâ un moviment li che si tire e si strenç cu lis mans:
sint ce che o ti dîs: impaciti dai tiei afârs: molç la cuarde de cjampane, riscjele lis scovacis e i sbladacs che ti lassin in glesie chei cuatri clostris che a vegnin là dentri (Josef Marchet, Lis predicjis dal muini)
-
v.tr.
(fig., ancje ass.)
gjavâ fûr bêçs o altris bens a cdn.:
nancje i parons de Comune no son rivâts a molzilu cu la tasse dal fogatic (Riedo Pup, La gjambe di Zaneto);
si batin come leons par molzi bêçs e provedencis pes lôr clientelis (Antoni Beline, La eterne lote dai furlans)
Sin. strucâ
, striçâ
, spelâ
, malmolzi
, scuedi
-
v.tr.
(fig., pop.)
rivâ al massim dal plasê sessuâl e eiaculâ:
al molç e al suspire fuart, jê e spude tun suieman e si nete la bocje (Spirt Anonim, Anime)
Sin. gjoldi
Polirematichis e espressions idiomatichis
Proverbis:
- intant che i litighents a tirin la vacje, un pai cuars e un pe code, i avocats a molzin