scuedi
/-é-/
scue|di
[AF]
-
v.tr.
(ancje ass.)
domandâ o cjapâ bêçs dovûts par in cambi di un ben, di un servizi, di un prestit, une imposizion e v.i.:
la Contadinance […] e finì cul cjoli di man al Parlament la uniche vere prerogative che i restave: chê di compartî il pês des fazions e prestazions imponudis dal guviar e di scuedi lis tassis (Josef Marchet, Cuintristorie dal Friûl fin sot la Italie);
al scuedeve cualchi fit par comprâ blave (Maria Forte, Cjase di Dalban)
Sin. tirâ
, incassâ
, tirâ sù
, cjapâ
Cfr. meti in sachete
-
ancje cuntun ogjet che al sedi un ben diviers dai bêçs:
[l'uficiâl responsabil des recuisizions] al parà via i soldâts, al cuetà cu li mans la femina, e nissun al vignè âtri a scuedi la Bisa (Novella Cantarutti, La agna Mia di Ristec);
al scuedeve dai fituâi il forment scjassantlu ben e no mâl parcè che al si sentàs ben (Pieri Somede dai Marcs, Pre Josef)
-
ancje cun ogjet la persone che e à di dâ bêçs, imponii di paiâ:
«No ai bêçs in cjase. Prime o scuen lâ a scuedi i miei clients. Viodistu, al è dut un zîr: cuant che mi pain me, jo ti pai te» (Carlo Sgorlon, Prime di sere);
un ostîr di une altre ostarie che i veve fat credit, dopo vêlu scuedût cent voltis dibant, al va di sô puare mari a scuedile jê (Meni Ucel, Credit)
-
(estens.)
in gjenerâl, domandâ di vê, cirî di otignî:
il gno cjan al è bon cualchi volte di lassâ la bocjade o il vuessut par vignî a fâmi une menade di code o a scuedimi une cjarinade (Josef Marchet, Lis predicjis dal muini)
Proverbis:
- cui che al sa scuedi nol sa paiâ, cui che al sa paiâ nol sa scuedi
- dulà che si à di dâ no si po scuedi
- paie e po scuêt