incassâ
in|ca|ssâ
[CO]
-
v.tr.
(ancje fig.)
meti in casse bêçs, cjapâ bêçs:
lassant in dut câs un imbassadôr a incassâ il dazi (Franco Marchetta, Madalene);
une volte incassade la assicurazion, vendude la cjase, paiâts i debits, cun ce che al vanzave a varessin podût tacâ une altre vite inaltrò (Fabian Ros, Un piçul particolâr)
Sin. scuedi
, tirâ
-
(fig.)
rivâ a otignî alc di util:
[...] il risultât dal Front Furlan in Provincie, cun Federico Simeoni che al à rivât a cjapâ une cjadree a Palaç Belgrât incassant il 5,74 par cent dai vôts (Walter Tomada, La “autonomie” e je restade dome une peraule eletorâl: cumò a coventin i fats!)
-
v.tr.
artes., marang., edil.
fâ, formâ o montâ alc intune struture che e jentre indentri e che e insuaze:
o tacai a zirâ pes stanziis cjalant cemût che il marangon al veve incassât la feramente che o vevi fat jo (Roberto Ongaro, Cretevierte)
-
arm.
montâ inte incassadure:
la cana cun una pieça di gras avintla onzuda difûr via ben afat, ven subit incassada, e soltant dopo diviarsis oris, si torna a viodi se la cana di chê banda fra il len no sei inrusinida (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
-
v.tr.
[CO, TS]
sport
soredut tal pugjilât, cjapâ un colp dal aversari e tignî bot:
salvadis neris e blancs che doventin siorons e personis “di fama mondiale” cul incassâ pugns e dolars (Ugo Pellis, Dô peraulis di preambul a Storiutis gurissanis)
-
(fig.)
in altris sports, vê di patî la azion dal aversari che al fâs pont o che al vinç l'incuintri
-
[CO]
(fig.)
ancje fûr dal sport, vê di patî un risultât negatîf:
[Riccardo Illy] al à incassât la sô prime sconfite intune competizion eletorâl (Simone Bressan, Il panorame in Regjon dopo des votazions)