strucâ
stru|câ
[CO]
-
v.tr.
someti a une pression fuarte, soredut par fâ vignî fûr un licuit:
di bande si struchin doi chilos di ue blancje dolze e si zonte il most aes pomis fasint cuei dut come la codognade (Emilia Baldassarre, Ort e cusine)
Sin. striçâ
-
v.tr.
(fig.)
gjavâ dut ce che al è pussibil di une situazion o di une o plui personis, fasint lavorâ masse:
paron di cjasis e di cjamps, gno nono Dolfo. Al strucave i siei colonos come la ue sot de vendeme. A mi mi displâs di scrivile, ma la veretât e je cheste ca (Gianni Gregoricchio, Trê feminis)
-
v.tr.
(fig.)
cjapâ cun fuarce:
e cumò pensâ che le busse, le cjarece, le struche, che e je sô (Dino Virgili, Ombrenis sul liston)
Sin. cjapâ
, strenzi
, striçâ
-
v.tr.
(ancje fig.)
obleâ cdn. o alc a stâ tun lûc stret o limitât:
in cambio l'autist / l'è simpri al sigûr / se ancje nus struche / fra il cofano e il mûr (Toni Bidel, Udin vistût di fieste);
intal strucâ lis lezions intes scjaipulis dai schermis di un ordenadôr e je vignude a mancjâ une dimension fondamentâl dal insegnament, chê des relazions (Serena Fogolini, Didatiche a distance in marilenghe: lezion di Catine ai fantats di Maian)
Sin. strenzi
, striçâ
-
v.tr.
(fig.)
ridusi o ripuartâ in pocjis peraulis un discors, une narazion o tratazion:
mi soi limitât a strucâ chei pinsîrs che o vevi vût mût di dîju tai moments che si cjatavisi insieme la sere (Antoni Beline, Sant Jacum, là che al finìs il mont)
Sin. meti in struc
, riassumi
, sintetizâ
, striçâ
-
cirî l'essenziâl:
a strucâ lis cjacaris dai nestris aversaris si reste simpri cu lis mans vueidis (Josef Marchet, Ce che a vuelin)
Polirematichis e espressions idiomatichis