Dizionari de Lenghe Furlane

polente e lat    [CO]

1. loc.s.f. pitance fate di polente a pene fate metude tune scudiele li che si strucje un cop di lat, pal solit mangjade di cene:  seris dal Friûl che a savevin dutis di polente e lat e fumatice grise pe Marçaie e la cjampane che e disniçave malinconie (Alan Brusini, Come tai romançs)
2. loc.s.f. pitance fate di une scudiele di lat li che si fruçone dentri polente vanzade, pal solit mangjade di gulizion:  il Signôr e Sant Pieri a capitarin une matine sul jevâ il soreli intun paisut di Cjargne. Sant Pieri, che al veve une lorde santissime, al preà une femine che ur des alc di disziunâsi par la anime dei siei biâts muarts. Jê ju fasè sentâ su la bancje di cjase e ur puartà un scugjelot di polente e lat parom (Luigi Gortani, Sant Pieri e la code da vacje)

Components:

• lat s.m.
• polente s.f.