polente
/-èn-/
po|len|te
[FO]
-
s.f.
pitance fate di farine di blave cuete te aghe salade:
la taule e jere preparade pe cene e la polente za strucjade e jemplave la cusine di bonodôr (Alan Brusini, La cartuline);
"Sâr pari, mi daiso une fete di polente?" e il vieli patriarcje al cjoleve un bâr di polente sul taulîr e le consegnave al fi (Dino Virgili, La aghe da pît la cleve);
in cjasa Ludina al era simpri na scugjela di mignestra e un ruf di polenta par cui che a reonava ta li vori (Novella Cantarutti, Paron Salvadi);
al ven e nus tente / odôr di polente (Enrico Fruch, La cort di Catine)
Sin. base
Var. pulente
Cfr. meste
, 'suf
, taulîr
, blave
, farine
, cjalderie
, grop
, gnoc
, munar
, tride
-
par metonimie, ancje in riferiment ae farine di blave o ae blave:
biât om, al veve cirût dusinte francs dai Muraie par comprâ la polente (Pieri Menis, Chei di Muraie);
al judave la femine a sgropolâ chei doi cjamputs che i davin la polente (Maria Forte, L'avôt)
-
pitance fate bolint te aghe farine ancje no di blave:
dal '17 e veve pierdût doi fis, patide tante fam di mangjâ la polente di soròs e la blave ancjemò cul lat (Lucio Perès, Mê none Miute)
-
(par anton.)
ce che al covente par mangjâ, par vivi:
tresinte operaris cence lavôr, tresinte fameis par tiere cence polente (Pieri Somede dai Marcs, Un pugn di moscjis);
sfadiâsi a dâi sot di un scûr a chel altri par sigurâ la polente ae famee (Maria Forte, "Nossent")
-
s.f.
(fig.)
persone pegre, cun pôc caratar:
la sorte di chest mont, la comoditât di vite di chest mont nol è migo dite che e sedi simpri une fortune! E à cûr di roseâti e di mangjâti vie e di fâti deventâ une polente dal pont di viste di temperament e di coragjo (Francesc Placerean, La vite no je cuintriposizion di valôrs ma armonie di realtâts complementârs)
Polirematichis e espressions idiomatichis
Proverbis:
- a mangjâ fertaie e polente, al è come balâ cu la sô femine
- a mangjâ tocj cence polente, si scotisi i dêts
- al vûl inzen ancje a fâ la polente cul len
- amôr nol domande ni pan ni polente
- amôr nol è ni polente ni brût di verzis
- cuant che la fam e je a mieç il cîl, la polente a sa di mîl
- cuant che la polente e je piçule, tenti la tô fete in man
- cui che al à la mescule in man al fâs la polente a so mût
- cui che nol stente al mangje il çuç e al lasse la polente
- cui uciei i vûl la polente cjalde
- e vâl plui une fete di polente cuiete che no une spanzade maladete
- la polente no pare dongje inte grave
- miôr polente che e dure che no pan che al finìs
- polente e formadi a mieze gjambe
- polente e lat bulît, cuatri salts al è digjerît
- polente e lat, il past dal gjat
- une buine polente e je un bon tapon pal stomi