farine
/-ì-/
fa|ri|ne
[FO]
-
s.f.
polvar di grans masanâts, spec. di forment o di blave:
bulî lis patatis, passâlis e messedâ cun farine, ûfs e sâl, impastâ come par fâ i macarons (Giorgio Pascoli, Il Litum: jerbis salvadiis te cusine);
te panarie e jere pocje farine plui; sul cjastut un sachet di blave dongje la barconete basse e jere la uniche risorse, la ultime risorse, prime di murî (Dino Virgili, La aghe da pît la cleve)
Cfr. flôr
, semule
, gries
-
polvar fat ancje di altris prodots masanâts:
se o vês bêçs, comprait farine di cjastinis, che e à sostance. Nissune robe come la farine di cjastinis (Antoni Beline, Pre Pitin);
messedâ la farine di mandulis cu la scusse di mieç limon gratade fine e un tic di polvar di canele, zontâ un pôc par volte ai ûfs e zucar (Sandri Carrozzo, Tarta de Santiago - Torte di Sant Jacum di Galizie)
-
s.f.
sostance in forme di grans une vore fins, di polvar:
tal cuadrât di Place Sant Jacun si jevin gorcs di polvar, farine di mûrs che dai palaçs si strissine come une bave secje viars il centri dal slarc (Stiefin Morat, Kebar krossè)
-
s.f.
(fig., spres., pop.)
cosmetic in polvar par sblancjâ la muse:
un armâr di pastelis, di farinis, di aghis di bonodôr par pistrignâsi il music (Josef Marchet, Lis predicjis dal muini)
Polirematichis e espressions idiomatichis
Proverbis:
- cui che i insegne al mus a butâ jù il sac e a mangjâ la farine si ridûs a dovê lâ a mulin bessôl
- dome cu la farine no si fâs pan
- farine blancje a fâs bon pan, tiere nere e fâs bon gran
- la farine dal diaul a va dute in cinise
- la farine dal diaul a va dute in semule
- ogni farine no je buine par fâ ostiis
- par fâ pan i vûl farine e levan
- sac forât nol ten farine
- tiere nere e fâs bon gran, farine blancje a fâs bon pan