semule
/sè-/
se|mu|le
[CO]
-
s.f.
part di fibre grese dal forment o di altris grans, che si gjave par rafinâ la farine blancje, o che in câs si lasse te farine integrâl:
jere daûr a messedâ il paston pes gjalinis. Il bon odôr di semule bulint lu fasè pensâ aes jevadis di une volte, al prin sun des cjampanis di Fontanîl (Nadia Pauluzzo, Il bintar);
cuant che ogni dì si ur darà [ai cunins] une porzion di semule bagnade, no sarà necessari di mantignî aghe nei casselons (Giuseppe Ferdinando del Torre, Il contadinel. Lunari par l'an 1875)
-
s.f.
(fig.)
ce o cui che si calcole un scart, une robe o une persone di pocje cualitât:
cribremus al vûl dî propit tamesâ, dividi la farine buine de semule. Nô o sin la semule, ben si intint (Angelo Floramo, Parcè Dante vevial tante asse cuintri dal furlan?);
«Ma cussì no si capìs plui nie. No si rive a dividi la semule dal forment!» (Gianfranco Pellegrini, Evelin)
-
s.f.
(fig.)
cuantitât di maglutis de piel de muse:
lui, Bortulat, al è ros di pêl e plen di semule pe muse (Josef Marchet, Lis predicjis dal muini)
Cfr. lint
, pivicje
-
s.f.
[BF]
(fig.)
cuantitât di scaiis di piel muarte dal cjâf
Sin. calfe
, schelfe
, scaie
Polirematichis e espressions idiomatichis
Proverbis:
- cun cui che si space la flôr, bisugne spaçâ ancje la semule
- dai semule al mus, tu vanzis scalçs
- il mus al puarte il sac ma al mangje ancje la semule
- la farine dal diaul a va dute in semule