formadi
/-à-/
for|ma|di
[FO]
-
s.m.
prodot alimentâr che si fâs caglant il lat, salant, e pal solit metint in forme, pressant e lassant invecjâ:
une piece di formadi grande come une muele di mulin (Pieri Menis, Doro);
i met a rustî cualchi fete di polente di compagnâ cuntune scaie di formadi (Alan Brusini, Gian Paolo Linda, I forescj);
se no tirais fûr salam di chel bon e formadi di chel fresc, jo no benedìs (Antoni Beline, Pre Pitin);
mantecait cul riç di spongje, il formadi gratât e i savôrs (Giorgio Pascoli, Il Litum: jerbis salvadiis te cusine);
lidric cul poc cuinçât cul ardiel, formadi di malghe e un refosc speciâl (Roberto Ongaro, Cretevierte);
il mangjâ, un mangjâ calcolât al centesim, mo une partute di formadi zâl, mo une fetute sutile di pan blanc (Ivano Urli, Storie di Min)
Sin. çuç ipon.
Var. formai
, fromai
Cfr. scuete
, formaiel
, formaiele
Polirematichis e espressions idiomatichis
Proverbis:
- al vûl lat a fâ formadi
- e diseve chê regjine: pluitost che murî di fam si adatisi a mangjâ pan e formadi
- il bon formadi al è chel cu la gote
- il formadi al è il sigillum stomaci
- no si po nudrî e fâ formadi
- no si po vendi il lat e fâ formadi
- polente e formadi a mieze gjambe
- si promet prin pan che no formadi
- spongje di vacje, formadi di piore, scuete di cjavre