latarie
/-ì-/
la|ta|ri|e
[AF]
-
s.f.
implant pe lavorazion dal lat e pe produzion dal formadi e di altris derivâts:
Zenco, in chel an, lu veve inzingarât la Gjelmire, e une sere al jere lât a spietâle difûr de latarie, che e vignive jù a puartâ il lat di insom dal paîs là che e stave (Meni Ucel, Misure);
e je suntune biciclete scuancassade daûr a lâ in latarie, cun cuatri bidons dal lat (AAVV, Sul florî)
-
societât di gjestion di chel implant, soredut in forme di cooperative:
no jere nissune fradilance ta chê latarie li: siet vot magnatui a vevin ducj i dirits e chei altris cent di lôr, a jerin dovûts a jemplâ la cjalderie di lat e tasê (Riedo Pup, Il prin moto)
-
s.m.
formadi semigràs di lat di vacje, a paste dure, produsût par tradizion tes latariis turnariis:
un riç di spongje, une grampade di latarie vecjo gratât, sâl a plasê (Giorgio Pascoli, Il Litum: jerbis salvadiis te cusine)
Sin. formadi di latarie
, formadi latarie
-
s.m.
(pop., scherç.)
pet di femine une vore bondant:
cjale li ce latarie!