Dizionari de Lenghe Furlane

judicâ  ju|di|câ  [AF]

1. v.tr. meti sot judizi, valutâ:  il Signôr che al viôt e che al judiche i nestris ats […] (Costantino Smaniotto, Co l'amôr al cimie); Pieri al stave ben dome in cusine; che al pareve fat a pueste par judicâ la mangjative cuant che al alçave dutis lis covertoriis des pignatis (Maria Forte, Cjase di Dalban)
   Sin. valutâ , stazâ , tamesâ , vandi
   
   1. someti a un judizi intun procès:  i traditôrs a saran judicâts daûr de leç di vuere (Gianni Gregoricchio, Trê feminis)
2. v.tr. cuntun predicatîf o cuntun averbi, vê une cierte considerazion, opinion, valutazion:  [a àn dit] che il Friûl al è considerât tant biel, che la sô int e je stimade tant brave, che i siei prodots a son judicâts tant bogns (Riedo Pup, In Friûl cul passepuart); si judiche necessarie la tutele ative des minorancis linguistichis (Marc Stolf, Minorancis linguistichis)
   Sin. cjatâ , ritignî , tignî , stimâ , calcolâ , considerâ
   
   1. declarâ intune cierte cundizion juridiche midiant di une sentence:  il citadin roman al veve dirit, se judicât colpevul, di "provocare ad populum", ven a stâi di fâ apel al judizi popolâr (Fabian Ros, La invenzion dal stât)
3. v.tr. vê une idee, un pinsîr, une opinion:  Pieri mio cjâr, o crôt di judicâ / che ancje il mio cjan al meriti il to afiet (Pieri Çorut, Il mio cjan)
   Sin. cjatâ , crodi , pensâ , ritignî , stimâ , viodi , calcolâ , considerâ

Proverbis:

• cui che al judiche al ven judicât, cui che al condane al ven condanât
• dispès la bocje a spude fûr cemût che al judiche e che al sint il cûr