interessâ
in|te|re|ssâ
[FO]
-
v.intr., v.tr.
jessi calcolât impuartant, bon di stiçâ la curiositât, di jessi cjapât in considerazion e v.i.:
lui al à capît che a mi no mi interessave il so parê (Gianni Gregoricchio, Trê feminis);
ce che a fasin chei altris no mi interesse propit nuie (Alan Brusini, Gian Paolo Linda, I forescj);
zirant pal mont, cuant che alc lu interessave, une riviste, un articul di gjornâl, un libri, un ricuart, un grabatul, magari une robe di nuie, le impachetave e la mandave par pueste a cjase (Pieri Menis, Sul agâr)
Sin. impuartâ1
, freâ ipon.
-
v.intr., v.tr.
jessi afâr di cdn., rivuardâ:
o ai ce che o ai, e a voaltris no us interesse (Meni Ucel, I colaçs);
cualunche iniziative che e interessi il public e un grum di chês privadis, prime di lâ in vore a scuegnin passâ sù par chei scjalins (Josef Marchet, Jerarchie)
Sin. impuartâ1
, tocjâ
-
v.tr.
fâ in maniere che cdn. al pensi che alc al sedi impuartant, che al vedi curiositât di savê di plui e plasê tal partecipâ:
co cualchi cultôr al cîr di interessâ la int al furlan, al sint dispès a rispuindi: "A ce pro?" (Eddy Bortolussi, Il Friûl di Lelo Cjanton)
Sin. sburtâ
, stiçâ
, tirâ
, tirâ dongje
, svicinâ
, sdongjâ
-
v.tr.
sburtâ a intervignî ancje a pro di cdn.:
cu la sô scaltrece, e veve pensât di fâsi volê ben di cualchi famee in grant e li, di fâsi fâ dûl di cualchidun e po di interessâlu ae robe (Maria Forte, Mabile la Lunghine)
Sin. informâ
-
v.tr.
vê efiet su cdn. o alc:
là nol jere nuie che al podès interessâ il tacuin (Franca Mainardis, Il sium di Lissandri);
une inchieste che e à interessât bocon par bocon dute la Italie (Riedo Pup, Delincuents si devente)
Sin. cjapâ dentri
, competi
, implicâ
, riferî
, rivuardâ1
, tocjâ