impuartâ1
im|puar|tâ
[FO]
-
v.intr.
vê pês, consecuencis, interès par cdn.:
cui che nol crôt a chestis robis, nol po jessi pront a fâsi sbudielâ pe patrie: e chest al impuarte plui di dut a ogni guvier! (Josef Marchet, Cuintristorie dal Friûl fin sot la Italie);
un voluç, su la schene [il parecjadudis], al jere aromai dut ce che i coventave… e i impuartave di plui… pal moment. E tant coragjo! (Maria Forte, Cjase di Dalban);
nancje dal forment no i impuartave cuissà ce. A lui i impuartavin i cuintâi, che cun tancj bêçs di spindi comprant, a 'nd cjapave cuissà trops a vendilu a chei là de citât (Alan Brusini, Il colôr dal marcjât);
Tite cheste volte al veve alçade la vôs, no i impuartave se cualchidun lu ves sintût (Pieri Menis, Chei di Muraie)
Sin. contâ
, interessâ
, stâ a cûr
, volê dî
-
ancje cun valôr assolût:
viers il prossim si veve un sôl dovê: volêi ben, assistilu, a cost di lâ in pierditis, no impuarte; e tratâlu come un fradi (Riedo Pup, I furlans e la religjon)
-
v.intr.
[FÛ]
vê un ciert presit:
disesiet cuintâi di fen a vincj francs, ce vegnino a impuartâ? (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Proverbis:
- cuant che no ti impuarte no stâ cjalâ se e va drete o stuarte