ingloti
/-ò-/
in|glo|ti
[CO]
-
v.tr.
mandâ jù tal stomi ce che si à in bocje:
e inglotè un got di cafè a scote dêt e e sbrissà vie (Maria Forte, La tiere di Lansing);
a saltarin fûr, scaturidis ma vivis, lis ocjutis che il lôf al veve inglotût cu lis plumis e dut (Alviero Negro, Riedo Pup, Lis trê ocjutis)
Sin. butâ jù
, cjapâ
, cjoli
, glanzî
, gloti
, mandâ jù
, parâ jù
Var. inglutî
, inglotî
-
(ass.)
mandâ jù la salive:
Luisa e respirà a fuart, e inglotè alc e po e fevelà severe (Dino Virgili, La aghe da pît la cleve)
-
v.tr.
(fig.)
stratignî une reazion
Sin. butâ jù
, mandâ jù
, parâ jù
, sopuartâ
, stratignî
, tignî dentri
, gloti
-
vê di sopuartâ, spec. cence podê reagjî:
"[...] Ingloti, ingloti simpri, tignî dentri, provâ dute la ironie di sintîsi a laudâ di une vocazion che no ai mai vude, e che ducj e crodin che o vebi; murî cul gno segret... Vebit pietât almancul vô di me!" (Francesco Leitemburg, Il predi par fuarce)
Sin. butâ jù
, mandâ jù
, parâ jù
, sopuartâ
, gloti
-
v.tr.
(fig.)
ancje di elements inanimâts, tirâ jù, tirâ dentri fin a fâ sparî:
no sai, no sai ce che fasevi… mi sintivi a lâ sot… il palût mi ingloteve (Pieri Somede dai Marcs, Resurezion a Pontinie);
i spalancà une foranate che e inglotè a sec dut il paîs (Josef Cjargnel, La liende di Fondâs)
Sin. gloti
, subissâ
, cjapâ dentri
, cjapâ sot
