Dizionari de Lenghe Furlane

glagn  glagn  [CO]

1. s.f. toc di fîl che si dopre intune volte:  une glagn di fîl blanc, une glagn di fîl neri e un boton (Nin dai Nadâi, Disìn a dî); e Toni a strucjâ la polente [...] e a taiâle cundune glagn di fîl (Giuseppe Ferdinando del Torre, Il contadinel. Lunari par l'an 1869)
   Sin. ace
   Var. glagne
2. s.f. (fig.) secuence plui o mancul ordenade o element che al forme une secuence:  Tomâs al jere seneôs di tornâ a cjapâ la glagn dal discors che a vevin pes mans (Mario De Apollonia, Il timp par ledrôs); une zornade, dut câs, e podeve jessi diferente, e podeve deventâ une glagn di memorie (Franca Mainardis, Aiar di cjase)
3. s.f. (fig.) ce che al è lunc e sutîl, come un fîl:  une glagn di fum clâr e lizêr (Jolanda Mazzon, Cungjò Friûl); al veve denant dai voi, sicu intune suaze, la cjase sclaride di chê glagn di soreli (Bepi Zampar, Canais di taviele)
4. s.f. (fig.) piçule cuantitât, ancje di alc di imateriâl:  cuntune glagn di maliziute che i sbilfave fûr dai voi cuant che ju strenzeve par cjalâti miôr e dentri (Alviero Negro, Int di une volte)
   Sin. cimi , cininin , freghenin , fregul , gran , ninin , pêl , piç , sclip , segnâl , tic¹ , friç , fruçon , tininin , flic¹ , fîl

Proverbis:

• se si file mai tant che al rivi dal nâs a la bocje, e je une glagn che no torne su la rocje