a3
a
[FO]
-
pron.pers.
pronon subiet aton di tierce persone plurâl, sedi masculin che feminin:
a son in sîs alì tai fastilis che si domandin cemût che si metarà e a pensin a cjase (Ivano Urli, Storie di Min);
a son doi stupiduts che no sai ce che a cirin (Stiefin Morat, Donald dal Tiliment)
Var. e3
, ei
, ai3
, as4
, es
Cfr. lôr1
-
pron.pers.
pronon subiet aton che tes diviersis varietâts, e in cierts câs ancje te coinè, al pues valê ancje pe prime e pe tierce persone singolâr, pe prime e pe seconde persone plurâl, o ancje cun valôr pleonastic devant di altris pronons atons o devant di negazion o cun valôr neutri:
nassût furlan a soi; / par chest mutîf mi vanti (Tite Zorzin, A soi furlan!);
tu Nives a tu ti fermis a posâ devant dal professôr par podê finî il grant cuadri (Costantino Smaniotto, Co l'amôr al cimie);
come se a i scotàs la tiere sot i pîts, al trote a Dartigne (Catarine Percude, Sant Martin);
ad ôr da roie, a si veve fabricât sù, in part di mûr e in part di scuarçs, la sô brave farie, che dave su la strade (Luigi Gortani, Meni Fari);
a sin stâts liberâts da le sclavitût del demoni (Giuseppe Ferdinando del Torre, Il contadinel. Lunari par l'an bisest 1856)
Cfr. jo1
, tu
, lui
, jê
, nô
, noaltris
, vô
, voaltris
, lôr1
, e3
, i3
, o3
, al2
-
al pues tacâsi in code dal verp, te forme -e, in formis interogativis o disiuntivis o corelativis, soredut cun verps meteorics, cun subiet pôc clâr o perturbât di altris pronons che a movin il focus dal subiet al obiet:
plovie svintie neveie, tu ti sentis sul pâl e tu ti servissis a la buine di Diu. (Ivano Urli, Storie di Min);
tra lis tantis, a son chistis lis robis che i fâs fature a capî di me. Coventavie fâ une robe cussì cretine? (Stiefin Morat, Kebar krossè);
il Friûl al varès bisugne di plui autonomie. «Ma no le aie za»? Sigûr! Pecjât che nol à i bêçs par autoguviernâsi pardabon (Walter Tomada, Lis bataiis di scombati tal 2019)