Dizionari de Lenghe Furlane

e³  e  [FO]

1. pron.pers. subiet aton de tierce persone singolâr feminine:  la Stele, cuiete tal so cjanton scûr, e moveve i siei voi tonts e e parave jù il fen a bocjadis (Maria Forte, La tiere di Lansing); «A la sô etât, lâ in biciclete e je dome salût» (Carlo Sgorlon, Prime di sere)
   Cfr. jê
2. pron.pers. subiet aton de tierce persone plurâl, devant de peraule "àn", ancje te in plui varietâts centrâls e in ciertis fasis de coinè, intant che tal so puest te coinè plui resinte si cjate simpri "a":  cinc pôi che e àn i pîts te roie (Dino Virgili, Il mulin vieri)
   Cfr. lôr¹ , a³
   
   1. in ciertis varietâts subiet aton di prime persone singolâr, di tierce persone singolâr masculine, di prime, seconde e tierce persone plurâl, tierce persone plurâl, o ancje cun valôr pleonastic devant di altris pronons atons o devant di negazion o cun valôr neutri:  e ai di stâ atent a ze che e fàsin (Popolâr - Istitût di Ricercje Achil Telin, Il bal da striis - Tiaris di Acuilee); prime che lôr e rivassin culì, e sin stâts nô, i prins, a lâ a rompi i coions a cjase lôr (Nello Malisano, A cjase lôr); e sês doi mascalzons! (Pieri Pascolat, Tite Cecon, Il matrimoni falît); il consei comunâl e si radune (Pieri Çorut, Il lôf di Luncjamp)
      Cfr. jo¹ , tu , lui , jê , nô , noaltris , vô , voaltris , lôr¹ , a³ , i³ , o³ , al²
3. pron.pers. obiet aton di tierce persone singolâr feminine dopo di un pronon aton di tiermin des trê personis plurâls:  puedio sperâ che la braide nus e vendi a nô? (Maria Forte, La tiere di Lansing); cumò us e conti cemût che e je stade (Alviero Negro, Int di masnade); a spietin che la autonomie ur capiti jù pe cope, che ur e regalin sore gracie (Josef Marchet, Furlans autonomiscj platonics)