Dizionari de Lenghe Furlane

i³  i  [FO]

1. pron.pers. forme atone cun funzions di datîf dal pronon di tierce persone singolâr, sedi masculine che feminine:  al timp nissun i comande (Riedo Pup, I furlans e il timp); al domandà a une siore che e jere daûr dal bancon che i puartàs une tace di bire (Agnul di Spere, In Friûl, nossere)
   
   1. in diviersis varietâts, ancje cun inflùs te coinè, ancje pe tierce persone plurâl, viôt ur :  i daran une man ai siôrs di Vignesie (Alan Brusini, Come tai romançs); i fo subite dade la colpe a traditôrs furlans (Carli Pup, La seconde Irlande)
2. pron.pers. (loc.) in ciertis varietâts subiet aton di prime persone singolâr, di tierce persone singolâr masculine, di prime, seconde e tierce persone plurâl, tierce persone plurâl, o ancje cun valôr pleonastic devant di altris pronons atons o devant di negazion o cun valôr neutri:  jo i soi muart e vuaitis vîfs (Giorgio Ferigo, Dal pruc); jo ti spietarai tal Tiliment / cun la mê frute e cualchi amì / ridint di dutis lis robis / che i savìn / e di chês che i no savìn (Stiefin Morat, Cole Bombe); i sês da raza e da famea dai purcits (Giorgio Ferigo, Adelina); tu, almancul tu, che i ti vedis pietât di nû (Pier Paolo Pasolini, I Turcs tal Friûl)
   Cfr. jo , tu , lui , jê , nô , noaltris , vô , voaltris , lôr¹ , e³ , a³ , o³ , al²