Dizionari de Lenghe Furlane

al²  al  [FO]

1. pron.pers. pronon personâl subiet aton di tierce persone singolâr masculine:  il mio plui grant divertiment al ere chel di stâ in zardin (Giovanni Gortani, Trê Rafaei in jerbe); ogni sabide par chê stradele ret la risurtive al comparìs un cjan blanc (Catarine Percude, Il cjan blanc di Alturis)
   Cfr. lui
   
   1. in ciertis varietâts al pues mancjâ o vê une distribuzion divierse di chê de coinè o valê ancje pal feminin:  una sostança lizerissima e rara che tint a spandisi […] al è costreta di movisi adasi (Federigo Comelli, Il me paîs)
2. pron.pers. pronon personâl obiet aton di tierce persone singolâr:  "Spietait un momentin, che cumò us al voi a cjoli" (Luigi Gortani, Il Deu di Cjargne)
   Var. lu¹
   Cfr. lui