Dizionari de Lenghe Furlane

vê cure    [CO]

1. loc.v. fâ ce che al covente par che cdn. al stedi ben o alc al sedi in buinis cundizions, si conservi, al ledi indevant ben e v.i.:  o scomençai a sintî par Jole une tenarece pietose, e a pensâ che aromai tra di nô lis parts si jerin ribaltadis. No jere jê che e veve di viodi di me, o jeri jo, pluitost, che o scugnivi vê cure di jê (Carlo Sgorlon, Il dolfin); une cjase, chê che ti identifiche e ti rapresente, li che a son lis tôs lidrîs e par chest uniche e speciâl, di vê cure di jê (Erika Adami, Il nestri sfuei, la Itache dai furlans)
   Sin. viodi , stâ daûr , cjalâ , tignî cont , tignî a ments , tignî a bade , tignî ben
   Cfr. regolâ , guviernâ
2. loc.v. impegnâsi, stâ atent, fâ ce che al covente par otignî un risultât:  la daurvuardia marcja simpri daûr via dei cjars, e à cura che nissun i resti indaûr (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
   Sin. viodi , cjalâ , stâ atent

Components:

• cure s.f.
• vê v.tr., v.aus.