Dizionari de Lenghe Furlane

vê cûr    [FO]

1. loc.v. vê bogns sintiments tant che amôr, caritât, dûl, solidarietât e v.i.:  "No âstu cûr nancje pai fruts?" (Toni Broili, Chel istès 'Sef)
2. loc.v. in gjenar in costruzions cun "di" e un infinît, vê fuarce morâl, ardiment:  veretâts sacrosantis, ma spinosis e antipatichis che o vin cûr di scrivi claris e netis, fûr dai dincj, sul cont da la Italie e dai talians (Josef Marchet, Blestemis); "Saltait chi dentri mo, se vês cûr!" (Luigi Gortani, Meni Fari)
   
   1. vê masse ardiment, olsâ fâ alc che no si varès di fâ:  chel brut sacrament di femenate e à vût cûr nuie mancul che di mancjâ di rispiet a la vuardie nazionâl! (Giovanni Gortani, Sot consei di vuere)
3. loc.v. vê la capacitât:  [la camarele] e lavore di fin, mende, recame, / atint a la cusine, / e intun moment / à cûr di imbastî sù un biel tratament (Pieri Çorut, Il Strolic furlan par l'an 1827)
   Sin. jessi bon , jessi paron , rivâ , rivâ adore , savê¹ , podê¹ , cumbinâ
4. loc.v. ancje impers., jessi probabil o pussibil:  "Forsi tu tu âs di paidîlis, Rusute, e ja cûr di displasêti, tu viodarâs!" (Dolfo Zorzut, La furlane); cjape sù la ombrene che al à cûr di plovi
   Sin. podê¹
   Cfr. negozi , striçâ , mancjâ pôc , come nuie , jessi bon
   
   1. podê capitâ, sucedi o jessi intune situazion o fâ alc, soredut in maniere no volontarie o no controlade:  i pareve di vê tante fan e no viodeve la ore di lâ a gustâ, po magari e veve cûr di lichignâ e di no mangjâ di gust nissune robe (Jolanda Mazzon, Di là de rêt); un colp di fede al è come une scoreade che e fâs tornâ a movi fuarcis incjantonadis ta la anime e il mâl al à cûr di sfantâsi (Maria Forte, Il Bide di Miot); i cavalîrs a vevin cûr di lâ ducj in vacje par colpe di chê coltre di nûi (Alviero Negro, Lis çariesis pe mari di sant Pieri)

Components:

• cûr s.m.
• vê v.tr., v.aus.

Proverbis:

• cui che nol ame nol à cûr