Dizionari de Lenghe Furlane

podê¹ po|dê [FO]

v.mod. vê la facoltât, i mieçs, la fuarce o la capacitât di fâ alc: si combateve rimpinantsi sui crets, tarombolantsi te nêf deventade rosse di sanc, semenade di muarts e di ferîts che nissun podeve judâ (Pieri Menis, Funerâl a Pâl Piçul); i rapresentants politics (e no dome) a domandavin che il Friûl Orientâl al podès decidi di bessôl il so destin e al gjoldès dal dirit ae autodeterminazion (Carli Pup, La seconde Irlande)
1. cun valôr impers.: dopo plot si podeve cucâ fintremai il mâr (Dino Virgili, La aghe da pît la cleve)
2. sotintindint l'infinît verbâl: al veve tucât inte puarte. "Si puedial?" "Ven, ven indenant!" (Franca Mainardis, Un bosc cence colôrs); ce che o pues o fâs (Marta Vezzi, Ravasclêt. Aziende agricule di Edda De Crignis)
3. in espressions che a mostrin maravee o disaprovazion: cemût si puedial meti sun chel plan istès il diaul e la aghe sante? (Josef Marchet, Il salon dal barbîr); cemût podevie stâ ancjemò inrabiade e lassâlu di bessôl? (Cristina Noacco, Faliscjis)
4. in domandis, tant che espression di cortesie par no doprâ un imperatîf o no fâ une domande masse secje: "o varès di lâ a Padue, puedistu puartâmi?" (Mario Beltramini, Jo e Graziella)
5. in espressions, ancje enfatichis, di desideri: "Podessio viodilu par ringraciâlu…" (Pieri Somede dai Marcs, Resurezion a Pontinie)

Polirematichis e espressions idiomatichis

a miei podê loc.av., loc.adi.inv.
a piês podê loc.av.
a plui podê loc.av.
po stâi loc.av.
podê cjalâsi tal spieli loc.v.
podê clamâsi fortunât loc.v.
podê spietâsi di dut loc.v.

Proverbis:

a puarton spalancât il ben al po jentrâ e il mâl al po lâ
a vê pure la cussience, ogni ben si po spietâ
ai malâts no si po tignîur il suspîr
al bausâr no si po crodii nancje il vêr
al bausâr no si po crodii nancje la veretât
al è miôr tasê co no si po dî ben
ancje chest an mâl e po mai plui ben
beât chel che al po bussâ il Crist di bessôl
beât chel che al po russâsi di bessôl
bocje onzude no po dî di no
campagne tante che si po viodi, cjase tante di stâ a sotet
ce che al è fat al è fat e no si po disfà
ce che al è permetût di zovin, no si po fâlu di vieli
ce che al è stât al po tornâ
ce che al è stât nol po jessi
ce che no si po vê bisugne donâ
ce che no si po vê si lasse
ce che si po fâ vuê, no metii non doman
ce che si viôt no si po scuindi
ce i zovie la robe al ignorant co nol po comprâ il savê?
ce zovial volê ce che no si po vê?
cjantâ no si po ben cuant che il stomi nol è plen
cjantâ no si po ben se dal cûr nol ven
cjar che e cres no po sta ferme
conseiti cun trops e po sielç ce che al va miei
conte i tiei botons e po tu contarâs i miei
contentâsi dal fat so e gjoldi plui che si po
cuant che a 'nd è masse parons, si po fâ ce che si vûl
cuant che a son fatis si po contâlis
cuant che al è nûl, al po plovi cuant che al vûl
cuant che dal cûr nol ven, cjantâ no si po ben
cuant che di vincj no 'nd è, cuant che di trente no 'nd à, di cuarante no si po sperâ
cuant che Diu nol vûl, i sants no puedin
cuant che il ragn al ties la tele, la massarie e po metile a suiâ
cuant che no 'nd è sul stali, no si po butâ jù pal golâr
cuant che no 'nd è, no si 'nt po cjoli
cuant che no 'nd è, no si po doprânt
cuant che no si po dî ben, al è miôr tasê
cuant che no si po jentrâ pal porton, si jentre pal portel
cuant che no si po plui, si scuen molâlu
cuant che no si po vendemâ, si scuen contentâsi di rascjetâ
cuant che si paie, si po ancje lecâ il plat
cuant che si po, no si stente
cuant che si semene vece, nol po nassi forment
cuant che si va jù par la aghe, si cjapisi pai baraçs se no si po altri
cui bogns si fâs ce che si vûl, cui triscj miôr che si po
cui che al à amâr in bocje nol po spudâ dolç
cui che al à bêçs al po spindi
cui che al à binde le po dâ
cui che al à çocs al po fâ stielis
cui che al à fat il mont al po disfâlu
cui che al à in bocje fêl nol po spudâ mêl
cui che al à la cjase sul cjâf al po lâ pardut
cui che al à robât une lire, al podarà robânt mil
cui che al compre cence podê al vent cence volê
cui che al duar il dì di pasche al po durmî sot di ogni frascje
cui che al è plui in alt nol pense che al po colà
cui che al è stât al po contâlis
cui che al è stât in vuere al po contâlis
cui che al è usât a lavorâ nol po stâ dibant
cui che al po al à vacje e bo, cui che nol po nol à ni vacje ni bo
cui che al po al comande
cui che al po fâ vuê che nol spieti doman
cui che al po nol stente
cui che al puarte la crôs nol po cjantâ messe
cui che al scolte nol à mai tuart, cui che al fevele al po simpri falâ
cui che al vûl ancje al po
cui che al vûl fâ ce che nol po al cjate ce che nol vûl
cui che ind à al po spandi
cui che nol à robe sô, bisugne che al ledi là che al po
cui che nol fâs cuant che al po, daspò nol po fâ cuant che al volarès
cui che nol mangje nol po lavorâ
cui che nol po al stente simpri
cui che nol po bati il mus al bat la siele
cui che si po salvâ che si salvi
cui po e cui pote in chest mont
cui triscj bisugne fâ miôr che si po, cui bogns si fâs cemût che si vûl
cul biel fâ, si po comprâ
cul bon fâs ce che tu vûs, cul trist ce che tu pûs
cul timp dut si po superâ
cuntune peraule si po ofindi
cuntune sole fave no si po cjapâ doi colomps
dai fruts no si po sperâ nuie
denant da la ore no si po ni nassi ni murî
di un avâr tu puedis sperâ alc, di un lôf no stâ sperâ nuie
di une çocje di vuar no si po fâ lum
Diu al po dut
Diu nus vuardi di un bon Zenâr par podê jemplâ il granâr
doi muts no puedin intindisi
doi nûts no si puedin vistî
doi pôcs e un nie a puedin bastâ a fâ siôrs
ducj a messe in côr no si po lâ
dulà che a 'nd è, si po cjoli
dulà che e sta une bocjade di pan e po stâ ancje une peraule
dulà che il diaul nol po rivâ al met la code
dulà che no 'nd è no si po cjoli
dulà che si à di dâ no si po scuedi
dulà che si è stâts si po tornâ
dut si po justâ fûr che la muart
dut si po onzi fûr che il Signôr
dutis no puedin lâ ben
e je triste la lane che no si po filâ
fat il trente si po fâ ancje il trenteun
gjoldi cuant che si pues e tribulâ cuant che si scuen
gjoldi simpri fin che si po, no i mancje mai timp al patî
i gjenitôrs a àn il dovê di mantignî i fîs fin che a àn sessante agns finîts; e po passâur il tabac
i muts no si po capîju
il miedi e il speziâr a puedin fâ grant mâl
il miedi e il speziâr di inzen a puedin fâ gran ben
il mont al è fat a scarpete: se al po te pete
il timp al passe e no si po fermâlu
in panade gratade si po mangjâ la jentrade
la aghe dulà che e je stade e po tornâ
la cjavre no po fâ vuere cul leon
la Istadele di sant Martin daspò trê dîs e po vê fin
la piore no po fâ vuere cul leon
la prime volte si po fâje al pari eterni
la robe ce i zovie al ignorant se nol po cuistâ il savê
la vacje soce e po soçâ ancje chê nete
mats e fruts a puedin dî ce che a vuelin
nissun nol po dâ ce che nol à
nissun nol po servî doi parons
no podint muardi, lis feminis a vain
no si à mai di lamentâsi di vuê parcè che doman al po jessi piês
no si è mai tant puars di no podê prometi
no si po cence pinsîr educâ ben i cavalîrs
no si po cjantâ e puartâ il sant
no si po cjantâ e puartâ la crôs
no si po cori cuintri vint e cuintri aghe
no si po dâi al paron? une clapade al cjan
no si po dî vuê ce che al sarà doman
no si po fâ di Crist e bati batecui
no si po fâ pan cul brût dal ledan
no si po fâsi larc tal strent
no si po gjavâ sanc dal mûr
no si po gloti amâr e spudâ dolç
no si po lâ in paradîs a dispiet dai sants
no si po nudrî e fâ formadi
no si po puartâ simpri la mascare
no si po ridi ben co dal cûr no ven
no si po servî doi parons
no si po sfuarçâ lis cjartis
no si po tignî e scorteâ
no si po vê il bec e l'ûf
no si po vê il caratel plen e la massarie cjoche
no si po vê il dolç cence l'amâr
no si po vê il gust cence la dulie
no si po vê la femine cjoche e il caratel plen
no si po vê la mîl cence lis moscjis
no si po vê piel e piore e lane parsore
no si po vê solt e colaç
no si po vendi il lat e fâ formadi
no si po volê ben cuant che dal cûr nol ven
nol po tignî cont de robe dai altris cui che nol ten cont de sô
nûl a lane al po durâ une setemane,
ognidun al po fâ ce che al vûl
ognidun al po murî, il vieli al scuen
ognidun che al fasi ce che al po
par podê ben comandâ, bisugne savê fâ
par une volte si po fâje ancje al pari eterni
primarûl al po nassi cuant che al vûl
prin di fâ e di dî bisugne pensâ ce che al po vignî
scomence che po ogni sant al jude
se no si po bati il cjaval, si bat la siele
se no si po dî ben, no si à di dî nancje mâl
se no si po fâ come che si volarès, si scuen fâ come che si pues
se sant Pieri nol vierç la puarte, no si po lâ in paradîs
se si po fâ une once di ben, si à di fâlu
se si podès filâ ducj i fîi, si tirarès dongje ancje lis telis di ragn
si fâs ce che si po
si fâs ce che si pues e no ce che si volarès
sintî ducj e po fâ a so mût
su la cjarte si po scrivi ce che si vûl
tal jet se no si po durmî si polse
tirâ il pont tant che si po, ma dâi a ognidun il so
tu fâs ce che tu puedis e lassii a Diu cure dal rest
ultin di carnevâl al po fâlu cualunche basoâl
une volte ogni tant si po fâ i mats
va a mulin cul carnîr se no tu pûs lâ cul sac
vacje e bo plui dongje che si po
vuarditi dal asin che se nol po muardi al trai