ton2
/-ò-/
ton
[AF]
-
s.m.
intensitât, elevazion di un sun o de vôs:
"Sì, o soi jo" la sô vôs mi rive fuarte e secjade. Po e sbasse di ton di stentâ a sintîle (Alan Brusini, Gian Paolo Linda, I forescj)
Sin. volum
-
[TS]
fis.
onde acustiche di frecuence costante
-
s.m.
modulazion de vôs che dispès e pant il caratar o la intenzion dal discors:
«No, no. Par chel i vûl il so timp», al sentenzià Delmo, cuntun ton di vôs che al faseve capî che si jere cuietât (Raffaele Serafini, Contis sot spirt);
l'articul al presentave la robe cun complasiment e cun ton trionfalistic (Adrian Cescje, Memoriis di politiche linguistiche);
a cjanta ca na rinela tun ton sintimentâl (Ugo Pellis, La cjana gargana)
Sin. intonazion
-
s.m.
complès dai aspiets formâi e di contignût di un discors o di un scrit:
in Friûl, al contrari, disot da Fele, si contin des flabis sun chel ton istès par cjoli vie i Cjargnei (Luigi Gortani, Il prin gjat a Glemone)
Sin. caratar
-
s.m.
[TS]
mus.
interval plui grant jenfri di doi grâts di une scjale diatoniche:
e istès la Lodule e la Calandre che, balant par aiar e cale di mieç ton a la volte tant che se e volès fâ la scjale cromatiche (Alan Brusini, Mestris cjantôrs)
-
s.m.
[TS]
ling.
trat prosodic che al consist te variazion di altece di sun di une silabe
-
s.m.
grât di intensitât di colôr:
colps di lûs cun tons clârs e scûrs che si stachin dal fonts (Bepi Agostinis, Storie de art in Friûl)
Sin. tonalitât
, at
, pont
, sfumadure
-
intune imagjin, nivel di saturazion dai colôrs o de scjale dai grîs
-
s.m.
(fig.)
fuarce espressive:
chel che al da ton / a ogni conversazion (Pieri Çorut, La fortune del mus)
Sin. fuarce
, incisivitât
, gnerf
, snait
-
s.m.
tension di un tiessût organic
Sin. tension
-
bon stât di salût:
[la rosade di sant Zuan, i bûs] ju met in ton (Giuseppe Dondo, Versi berneschi)
Polirematichis e espressions idiomatichis