tignîsi
ti|gnî|si
[FO]
-
v.pron.tr.
tignî alc par se, cun se, intor di se, une part di se, in maniere mutuâl e v.i.:
in chel si sveave, in senton sul jet a tignîsi une man sul cûr che i sdrondenave (Alan Brusini, Par stradis lungjis);
"Pensâ al è dome catram!" i disei par discjolimi di chei penseirs e tignintmi il stomi mi inviai viars la cjamare (Stiefin Morat, Kebar krossè);
il cont Asquin al riceveve, tant che lui, 50 solts […] in dì, e che al veve il permès di tignîsai (Pierluigi Visintin, Friûl e furlans te Histoire de ma vie di Giacomo Casanova);
un aventôr i veve dit clâr e sclet se al si sintive dal dut sigûr a tignîsi in cjase un cussì (Carlo Sgorlon, Prime di sere)
Sin. tignî
Var. tegnîsi
, tegnisi
-
(ancje fig.)
sopuartâ alc di negatîf cence podêsi liberâ:
[i reumatics] ju veve cjapâts là dentri, e cumò al scugnive tignîsai fintremai che al viveve (Carlo Sgorlon, Prime di sere);
miôr tignîmi il mâl di prime, mi ten il mâl di prime, siôr dotôr, mi ten il gno cûr mat, […] ma no stait metimi lis mans intor, no stait a vierzimi lis cuestis (Laurin Zuan Nardin, Cui sêstu?)
-
v.pron.intr.
cjapâsi in alc par no colâ:
al jentrà dentri in cjase come in trambulis, tignintsi pes cjadreis e pe taule (Dino Virgili, La aghe da pît la cleve);
Ricardo e Eliseo si lavarin i pîts e a tacarin a folâ, tignintsi cu lis mans a lis dovis (Carlo Sgorlon, Prime di sere)
Sin. grampâsi
, rezisi
, tacâsi
, cjapâsi
, poiâsi
, brancâsi
-
(fig.)
poiâsi suntun supuart morâl, psicologjic e v.i.:
la femine, ancjemò ancjemò si tignive a chel vanzum di dignitât che al resisteve (Maria Forte, La cjase dal Murat)
-
v.pron.intr.
(ancje ass.)
imponisi di no fâ alc, cirî di no fâ alc, ancje cun sens gjeneric o che si capìs dal contest:
al distude la lampade e po al jes cuasi scjampant, tignintsi dal sangloçâ (Pieri Somede dai Marcs, Mame…);
i doi fruts no podevin tignîsi di ridi (Gianni Gregoricchio, Îr e doman);
"Noaltris feminis, viodial, cuant che o sintìn la musiche, no podìn plui tignîsi! … Lis gjambis nus sbisiin…" (Bepo Marion, La morose di Carlo)
-
v.pron.intr.
jessi e restâ intune cierte cundizion:
al tocje di tignîsi pronts a dut (Josef Marchet, Lis predicjis dal muini);
la Democrazie Cristiane si complasè pal grant confront di ideis […] e si tignì dal dut disimpegnade (Adrian Cescje, Memoriis di politiche linguistiche)
-
vê une cierte cure di se stes:
la mode e pues ancje lâ ben. Une frute che si ten ben al è gust viodile e al è gust a stâi dongje (AAVV, Sul florî)
-
v.pron.intr.
vê une cierte direzion, fâ un ciert percors, lâ di une cierte bande:
la strade e scomençave a lâ in rive jù e si tignive simpri plui dongje dal flum e e jere avonde largje (Agnul di Spere, In Friûl, nossere)
Cfr. lâ
, stâ
, tignî
-
v.pron.intr.
(fig.)
restâ obedient, fedêl, rispietâ une regule, un limit, une prevision e v.i.:
tecnics e sienziâts a àn di definî in maniere rigorose i tiermins che a doprin - se no son za stâts codificâts - e a àn di tignîsi al significât stabilît (Franco Finco, Par une terminologjie in lenghe furlane);
inte part espositive mi tignarai dome a ce che al rivuarde il teme (Mario Turello, Il brevet)
-
v.pron.intr.
vê un ciert concet o une cierte opinion di se:
e finive simpri cu la distruzion di une civiltât cu la fuarce di une altre, che si tignive superiôr cence nissune reson (Carlo Sgorlon, Il dolfin);
cun chê barcja piçula, sconcuassada, senza guviar, proviodûts di un sôl rem, e senza cuasi plui cognossi la strada, si piarderin di coragjo, e si tignirin piardûts (Federigo Comelli, Il me paîs)
Sin. calcolâsi
, stimâsi
, sintîsi
, crodisi
Polirematichis e espressions idiomatichis
Proverbis:
- bêçs e dolôrs cui che ju à sai ten
- laude il mâr e tenti a la tiere
- laude la mont e tenti al plan
- se il matrimoni al fos stât un bon sacrament, sal saressin tignût i predis
- se tu vûs sei ben viodût, tenti sort e ancje mut